Бугун, Боёвут тумани ҳокими “Фарҳод” маҳалласи ёшлари билан учрашди

Бугун, Боёвут тумани ҳокими – 1-сектор раҳбари Ў.Мамадаминов ўзи раҳбарлик қилаётган сектор ҳудудида жойлашган “Фарҳод” маҳалласи ёшлари билан учрашди.

Учрашув, “Баркамол авлод” болалар марказида ўтказилди. Ў.Мамадаминов “Баркамол авлод” болалар марказидаги тўгараклар фаолияти, Президентимиз томонидан илгари сурилган 5 та муҳим ташаббус бўйича амалга оширилаётган ишлар билан танишди. Бу жараёнда тўгарак қатнашчилари суҳбат қурди.

Хусусан марказда ташкил этилган “Нотиқлик ва журнадистика” тўгарагидаги болалар билан ўтказилган суҳбат таассуротларга бой ўтди. Китобхон, нотиқ ва журналист болаларнинг таклифи туман ҳокими томонидан зўр қизиқиш билан қабул қилиниб, эндиликда Ўзбекистон халқ шоирлари, номдор ёзувчилар, журналист ва адабиётшунос олимлар билан жонли тарзда учрашувлар ўтказилиши келишиб олинди.

Учрашувда ёшлар томонидан бандлик, ҳунар ўрганиш ва тадбиркорлик масалаларида билдирилган барча таклифлар юзасидан йўл харитаси ва чора-тадбирлар дастури ишлаб чиқилиб, ижрога қаратилди.

Боёвут тумани ҳокимлиги ахборот хизмати