Вилоят прокурори Р.Машарипов боёвутлик ёшлар билан учрашди

Бугун Сирдарё вилояти прокурори Р.Машарипов туманимиз ёшлари билан учрашди.

“Умр бўйи ўқувчи бўлинг, энг яхши ғояларни ўзлаштиринг!”

Шу ғоя остида ўтказилган учрашувдан кўзланган мақсад - мамлакатимизда инсон ҳуқуқ ва эркинликларини таъминлаш борасида амалга оширилаётган ислоҳотлар мазмун-моҳиятини ёшларга етказиш, ёшларни ҳар томонлама қўллаб-қувватлаш, уларнинг ҳуқуқий билимини янада оширишдан иборатдир.

Очиқ мулоқот давомида Р.Машарипов маҳтарам Президентимиз томонидан илгари сурилаётган эзгу ташаббуслар, ёшларга қаратилган эътибор ва ғамхўрликлар ҳақида таъкидлаб ўтди.

Самимий, юракдан қилинган суҳбат ёшларни қизиқтираётган саволларга уланиб кетди.

Саволлар таълим олиш, ҳунар ўрганиш, маданият ва спорт, шунингдек, тадбиркорлик фаолияти билан шуғулланиш ҳақида бўлди.

Ёшларга оид давлат сиёсати қандай амалга ошириляпти, қандай муаммолар бор, уларни қандай ҳал қилишимиз керак?

Ушбу саволлар муҳокамалар марказида бўлар экан, ёшларнинг мулоҳазалари - таклифлари тингланди.

Тадбир якунида вилоят прокурори Р.Машарипов суҳбатда фаол иштирок этган ёшларга бадиий адабиётлар тўпламларини тақдим этилди.

Боёвут тумани ҳокимлиги Ахборот хизмати