Ўзбекистон арзон бензинга эга давлатлар рўйхатида нечанчи ўринни эгаллади?

⛽

Дунё бўйлаб бензиннинг ўртача нархи 7 январь кунги ҳолатга кўра 1,08 долларга тенг, дея хабар беради Global Petrol Prices таҳлилий нашри.

Таҳлилчиларнинг қайд этишича, бой мамлакатлар одатда қашшоқ давлатларга қараганда юқори нархларга эга. Фақатгина АҚШ истисно саналади, у ерда бензин паст нархларда сотилади.

«Турли мамлакатлардаги нархларнинг фарқи турли хил солиқ ва бензинга субсидиялар билан боғлиқ», - дея таъкидлайди экспертлар.

Шу билан бирга, Ўзбекистон рейтингда 18-ўринни эгаллади. Республикада бир литр бензин ўртача 0,54 долларга сотилади.

Қўшни давлатлар: Туркманистонда бир литр бензин 0,43 долларга, Қозоғистонда 0,48 долларга, Қирғизистонда 0,67 долларга сотилади. Тожикистон рейтингга киритилмаган.

Венесуэлада бир литр бензинни 0,01 долларга сотиб олиш мумкин, Суданда - 0,13 доллар, Эронда - 0,29 доллар.

Бензинга энг юқори нархлар Гонгконг (2,04 доллар), Монако (1,98) ва Норвегияда (1,85) қайд этилди. 

Эслатиб ўтамиз, аввалроқ Ўзбекистон бензин импорти бўйича Қозоғистон билан музокаралар бошлаётгани хабар қилинганди.