Beeline Uzbekistan абонентларга eSIM рақамли карталарини улашни бошлади
Beeline Uzbekistan рақамли операторга айланиш йўлини давом эттирмоқда. Компания абонентлари энди eSIM'га уланиш хизматидан – оддий SIM-карталарнинг рақамли аналогларидан фойдаланишлари мумкин. Янги турдаги карталар синмайди ёки йўқолмайди, Beeline мижозлари учун биринчи уланиш бепул.
Рақамли карталар мобил қурилмалар ривожланишидаги навбатдаги босқичидир. Nano-SIM’карталардан бир неча баробар кичик бўлган eSIM модуллари билан ишлаб чиқарувчилар смартфон ва планшетларни, шунингдек, жисмоний карталар учун слотларга эга бўлмаган, лекин мобил тармоққа уланиши керак бўлган бошқа гаджетларни жиҳозлайдилар.
“Бугунги кунда тобора кўпроқ қурилмалар мобил Интернет орқали ишлайди. Масалан, бутун дунёда машҳур бўлган фитнес билакузукларини олайлик. Аллақачон eSIM’да ишлайдиган ўнлаб смартфон моделлари мавжуд, гарчи бу нисбатан янги технология бўлда ҳам. Ўзбекистондаги энг тез интернет* билан биз абонентларимизга эртага нима керак бўлиши ҳақида ўйлаймиз. Янги турдаги карталар рақамли хизматларнинг қулай оламига янада чуқурроқ кириб боришга ёрдам беради”, - дея воқеани шарҳлайди Beeline Uzbekistan'нинг бош директори Анджей Малиновски.
Биринчи марта eSIM’ни абонентлар компаниянинг исталган офисида шахсини тасдиқловчи ҳужжатни кўрсатиш орқали бепул улашлари мумкин. Келажакда смартфон йўқолган тақдирда рақамли картани алмаштириш ёки ундаги рақамни тиклаш мумкин – бундай хизматлар операторнинг амалдаги тарифлари бўйича тўланади. eSIM имкониятлари ҳақида батафсил маълумотни компаниянинг сайтида топиш мумкин.
*Ookla маълумотларига кўра, 2021 йилнинг биринчи ярми (Speedtest хизматини ишлаб чиқувчи), Beeline Uzbekistan ўз мижозларига мамлакатдаги энг тезкор мобил Интернетни тақдим этади. Ҳар йили бутун дунё бўйлаб операторлар ўртасида ўтказиладиган мобил Интернет сифатини ўрганиш натижаларини Ookla сайтида кўриш мумкин.
«Unitel» МЧЖ 2006 йил 12 сентябрдан бошлаб Beeline Uzbekistan савдо белгиси остида хизмат кўрсатиб келмоқда. Beeline Uzbekistan – бош қароргоҳи Амстердамда (Голландия) жойлашган VEON халқаро телекоммуникация холдинги таркибига киради.
VEON – бу 9 та мамлакатда 213 миллиондан ортиқ абонентга эга глобал телекоммуникация ва интернет хизматларини етказиб берувчи компания. Унинг акциялари NASDAQ вa Euronext Amsterdam fond бозорларида рўйхатга олинган.
Beeline Uzbekiston-да 1.6 мингга яқин ходим фаолият юритади. 2006 йилдан бошлаб, Ўзбекистон бозорига кирганидан бери, VEON мамлакат телекоммуникация саноатига 1.2 миллиард доллардан ортиқ маблағ киритди. Beeline савдо белгиси Ўзбекистондаги фаолияти давомида 1.7 миллиард доллардан ортиқ миқдорда солиқ тўлаган.
Сайт: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: linkedin.com/company/beeline-uzbekistan
Реклама ҳуқуқи асосида