БАА

Яманда яширин турмалар борлигини рад этдими?

Бирлашган Араб Амирликлари Яманнинг исёнчи хусийлардан қайтариб олинган ҳудудлари, Адан ва Хадрамавтда махсус кузатув марказлари ва турмалар очилганини рад этди. 

Яқинда Халқаро амнистия ташкилоти БААнинг Яманда яширин турмалар очгани ва у ерларда инсон ҳуқуқларига зид равишда қийноқлар қўлланаётгани ҳақида хабар тарқатган эди. БАА ҳукумати расмий WAM ахборот агентлиги орқали бу маълумотнинг ҳақиқатга зид эканини таъкидлади. 

Баёнотда айтилишича, Яманда БААнинг битта ҳам турмаси йўқ ва мавжуд турмаларнинг барини Яман ҳукумати назорат қилади.