Ўзсаноатқурилишбанк АТБ 2 та лойиҳани молиялаштирди

Ўзсаноатқурилишбанк АТБ Сирдарё минтақавий филиали ходимлари бугунги кунда юртимизда қишлоқ хўжалиги соҳасида долзарб вазифа бўлиб турган, чигит экиш ишларини қисқа муддатда якунлаш ва пахта-тўқимачилик класстерлари фаолиятини янада самарали ташкил этиш мақсадида, жорий йилнинг 8 апрель куни Оқолтин туманида ташкил этилган “АПК Оқолтин” УК пахта етиштириш класстерида чигит экиш жараёнини ўрганишди.

Шундан сўнг, Ўзсаноатқурилишбанк АТБ Сирдарё минтақавий филиали раҳбарияти Оқолтин туманида, «Oqoltin mega tekstil» МЧЖ томонидан тайёр тўқимачилик маҳсулотларини ишлаб чиқаришни ташкил этиш буйича йирик лойиҳанинг қурилиш ишларидан хабар олди.

Лойиҳа қиймати 4 млн.АҚШ долларини ташқил қилади. Лойиха амалга оширилгандан сўнг, 600 нафар маҳаллий ёшларга янги иш ўринлари яратилади.

Ўзсаноатқурилишбанк АТБ томонидан молиялаштирилаётган ушбу 2 та лойиҳа келажакда вилоятимиз иқтисодиёти равнақи ҳамда халқимиз турмуш даражасини ошириш йўлида ўз ҳиссаларини қўшишига ишонамиз.

Ўзингизни эҳтиёт қилинг, зарурат бўлмаса кўчага чиқманг. Уйда қолинг!

Ўзсаноатқурилишбанк АТБ Сирдарё минтақавий филиали ахборот хизмати.