Блогернинг юзи косметик муолажадан сўнг шишиб кетди

Россиялик блогер Алёна Токарева Инстаграм саҳифасида бугунги кунда кенг оммалашаётган косметик жараёндан сўнг таниб бўлмас ҳолатга келган юзини кўрсатди.

Унинг обуначилари қизарган ва шишган юзини кўриб Алёна куйган деб ўйлашди. Аммо бу куйиш асорати эмас, косметик муолажа — лазерли силлиқлаш(шлифовка) натижаси. Аёлнинг айтишича, муолажадан сўнг у эрталаб ҳатто кўзларини узоқ вақт давомида очолмаган.

Ушбу расмда сиз унинг олдинги ҳолатини кўриб турибсиз:

Лазерли силлиқлаш муолажаси нимадан иборат? Лазер ёрдамида юз териси чуқур пилинг қилинади. Тери устки қавати тўлиқ олиб ташланади. Унинг натижасида терида коллаген ва эластин моддалари ишлаб чиқариш тезлашади ва юз силлиқ, доғлар ва чандиқларсиз бўлади. Тери ёшариб, таранглашади. Юз терисини ранги тиниқлашади.

Мутахассисларнинг фикрича, муолажа эффекти фақат 1-2 ойда билинади, бу эса вақтинчалик ҳолат. Лекин блогердаги ҳолат эса нотўғри қилинган муолажа оқибати, дея изоҳланмоқда.

Бу расмларни кўрган кўпгина аёллар муолажадан воз кечишганини айтишган.