АНА

Арайлап таңым атқанда,

Қарсы алып мені алдың да.

Шуағын шашып күн нұры

Бастың ба мені бауырыңа?

Ананың көңілі балада,

Баланың көңілі далада.

Анадан басқа ешкімді

Алтынға теңеп, балама.

Анасыз бұл өмірде,

Қаларсың мүмкін далада.

Анаң да разы болмаса,

Жәрдем бермес Алла да.

Жүрекке жылу әкелер,

Ананың күлімдегені.

Өзі үлкен бір бақыт,

Жаныңда аман жүргені.

Аялайды “балам” деп,

“Қамқоршым-ау”, “панам” деп.

Қателіктер жасасақ,

Кешіреді “балам” деп.

Алыстан сен келгенде,

Жылы жүзбен қарсы алар.

Уайымдап сені жүргенде,

Бауырына қатты басар.

Байжол БАҚЫТ,

Қоңырат ауданындағы №5 мектептің 9-сынып оқушысы.