AIR
*Listen to Morning Mizo News - 9.8.2020 by AIR Aizawl News on #SoundCloud*
https://soundcloud.com/user-172826833/morning-mizo-news-982020?ref=whatsapp
ALL INDIA RADIO AIZAWL
REGIONAL NEWS UNIT
REGIONAL NEWS BULLETIN
HEADLINES (MORNING NEWS) - 9.8.2020
1. Nimin khan Mizoramah Covid-19 hri kai 28 hmuhchhuah thar an ni.
2. Mizoram mamawh phur Truck driver leh Handyman zingah Covid-19 vei hmuhchhuah an awm nual avangin Minister pathum in nitin mamawh chawkluhna kawng pawimawhte enfiaha harsatna chinfel a nih theih dan tur an dap.
3. Darkar 24 kalta chhung khan Manipur-ah Covid-19 hri kai 169 hmuhchhuah an ni a, an zinga 94 chu sipai an ni.
4. Air India Express thlawhtheihna chesuala thi chhungte chu cheng nuai 10 theuh zangnadawmna pek an ni dawn.
<><><>
COVID-19 : TALLY
Nimin khan Covid19 hri kai mi 28 (mipa 25 leh hmeichhia 3) hmuhchhuah thar a ni.
Kolasib Dist ah Rapid Antigen Test (RAT) hmangin phailam a\anga lo lut truck khalhtu leh handyman hnamdang 3 te chu hri an kai tih hmuhchhuah a ni a. ZMC-a sample endik zinga 25 (BSF mi 17 leh civil mi 8) hri kai hmuhchhuah thar a ni. Lawngtlai 1 tihloh Aizawl Dist vek niin hri kai sa-in an kai chhawn mi 3 an awm.
Hri kai a\anga kaichhawng zinga pakhat hi Covid dona a thawktu doctor, sample la a kal \hin a ni a. Hri kai a\anga kaichhawng dang pahnih hi Mizoram Police leh BSF mi, khunghrante vengtu an ni. ZMC lab-a endik zingah Hri kai a\anga kaichhawng mi 3 tih loh midang 22-te hi khunghran lai vek an ni. Heti hian Mizorama Covid-19 hri kai tawh zawng zawng chu mi 593 an tling tawh a, mi 296 chu enkawl dam ni tawhin mi 297 chu hri vei mek an ni a. Vawiin thlengin hripui thihpui an la awm lo a ni.
(Desk)
<><><>
MNF
Mizoram mamawh phur Truck driver leh Handyman zingah Covid-19 vei hmuhchhuah an awm nual avangin Lirthei bungraw phur tangkhangte harsatna leh nitin mamawh chawkluhna kawng pawimawhte enfiaha harsatna chinfel a nih theih na'n Minister pathum - Pu Lalchhandama Ralte, Pu Lalruatkima leh Pu TJ Lalnuntluanga-te'n Kolasib District hmun hrang hrang an tlawh.
Harsatna awm theite an enfiah a, a theih ang angin hma an la nghal a. Hemi chungchanga nimina MNF Gen Headquarters thuchhuah tarlan danin Driver leh Handyman-te Rapid Antigen Test hmangin Vairengte Checkgate-ah Screening test nei vek tura tih nghal an ni a, hemi atan hian Laboratory Technician pawh lak belh nghal tura tih a ni a. Hei bakah hian Doctor leh Health Care thawktu pawh dah belh nghal tura tih a ni bawk a ni.
Puan tawh angin, Vairengte leh Aizawl inkar bungraw phur motor driver leh handyman 18 te chu Rapid Antigen Test (RAT) hmangin COVID-19 positive an ni tih hmuhchhuaha ni a. Anni bakah hian Sethawn khua mipa naupang kum 12-a upa, driver-te nena inhnim hnai chu COVID-19 positive a ni tih hmuhchhuah a ni bawk a.
Driver leh handyman-te zingah leh mipui mimirah COVID-19 hi a \aidarh a hlauhawm tak avangin, driver leh handyman-te zingah leh Vairengte-Aizawl National Highway hnaivaia khawsa mipui zingah hri a darh zel lohna turin sorkar chuan hma la-in, State Disaster Management Authority hnuaia State Executive Committee chuan mipui nitin mamawh phur lirthei te chauh, driver leh handyman te Rapid Antigen Test an paltlang hnuah, Vairengte leh Kanhmun kaltlanga Mizoram luh phalsak an ni a. Mizoram luhka dang zawng zawng chu khar a ni.
Hei bakah hian Standard Operating Procedure for Social Distancing khauh taka kengkawh turin Vairengte leh Aizawl inkar kawngpuiah helai bialtu District Adminstration chuan police englai pawhin an duty tir reng dawn a, he thupek hi tun atanga thu leh awm hma chu hman tur a ni.
(CORR)
<><><>
ACCJSU
Aizawl City College Joint Students' Union chuan Thawh\annia Mizoram University in Under Graduate Exam buatsaih a tum chu tunlai hrileng mek tualchhung inkaidarh hlauhthawnawm dinhmuna a awm avangin kar khat tala sawn turin Sorkar an ngen.
ACCJSU hruaitute chuan nimin khan Aizawl Press Club-ah chanchinbumite kawmin, Covid-19 hrileng karah zirlai te hmakhua ngaihtuahin Exam loh chu an duh loh bur laiin, khua leh veng thenkhatah inkharkhip puan a nih tak avang te, zirlai thenkhat mahni chenna hmun In leh Hostel a haw hma theilo tam tak an awm mek a, exam tur te'n exam-na hmun an panna kawngah harsatna a awm theih avangin exam hi sawn leh turin sorkar an ngen tih an sawi a. A bikin Kolasib College a zirlaite Kolasib khaw pawn a awm eng emaw zat Containment zone paltlang a ngaih avang leh Thingdawl leh Se\hawn inkarah eng lirthei mah kal tlang phal a ni h loh avangin harsatna an tawk tih an sawi.
Hripui leng kara zirlaite exam tir an nih dawn avangin exam avanga Covid-19 rinhlelh emaw, kai emaw an lo awm palh a nih chuan an test-na man leh anmahni inenkawl zuina senso zawng zawng tum sak turin sorkar an ngen a. Sorkarin exam atanga hripui vanga harsatna tawk zirlai a tanpui lo a nih chuan ACCJSU chuan na taka hmalak zawm a tum tih sawiin, hripui kai palh an lo awm a nih chuan Exam chhunzawm rihlo turin MZU Examination Department an ngen nghal bawk a, zirlaite exam avanga an himlo hle a nih chuan exam luih tir an tun a nih pawhin ACCJSU chuan a dodal zel dawn tih an sawi bawk a ni.
ACCJSU hian Exam hi kar khat tala sawn hla tura MZU Examnination Department an lo ngen tawhna chu nimin khan MZU lamin chhan hrang hrang avangin an pawm sak theihloh thu an dawng a, a hranpa a Sorkar thuneitute dawrna hun an neih hman tak loh avangin Media kaltlangin sorkar thuneitute an ngen tih an sawi a ni.
(CORR)
<><><>
GOVERNOR
Larsap Pu P.S. Sreedharan Pillai-a'n COVID-19 inkharkhip laia lehkhabu a ziah hrang hrangte chu nimin khan Raj Bhavan Durbar Hall-ah tlangzarh a ni.
Tlangzarh inkhawmah Pu P.S. Sreedharan Pillai kutchhuak thu leh hla bu 13 chu Chief Minister Pu Zoramthanga'n a chhawpchhuah sak a. Heng lehkhabu te hi hmun hrang hrangah a tahtawl a tlangzarh tur a ni a. Nimin khan lehkhabu pakhat "Corona Kavithakal", COVID-19 chungchanga a hla phuah, Malayalam tawnga ziah chu Chief Minister hian a tlangzarh sak nghal a. Gauhati High Court Chief Justice, Justice Ajai Lamba chuan 'Republic Day 2020' leh 'Thus Speak the Governor' tih chu Guwahati atangin a rawn tlangzarh sak bawk a ni.
Chief Minister Pu Zoramthanga chuan Governor chu dan hremi a nihna leh mipui rawngbawl hna a thawhna bakah ziakmi ropui tak, lehkhabu 100 chuang sulhnu lo nei tawh a nih thu sawiin a ngaihsanawm a tih thu a sawi a. Mi pangngai tan thu ziak leh hla phuah a harsat em em laia hun reilo te chhunga kutchhuak heti zat a nei tawh chuan mi bik a nih zia a lantir a ni a ti. Chief Minister hlui Pu Lal Thanhawla pawhin thu sawiin, inkharkhip hun \angkai taka hmang a lehkhabu tam tak larsapin a ziak hman chu ropui a tih thu a sawi a. Sap \awnga Mizoram chanchin ziahna lehkhabu awm zat chu duh thu a la samlo hle a, chutihlai kara larsapin Mizoram chanchin thu leh hla \ha tak tak a ziah chu entawntlak a tih thu a sawi a. Mizoram chanchin leh Mizo te chanchin tam zawka ziak zel turin duhsakna a hlan a ni.
Nimin inkhawm, Chief Secretary Pu Lalnunmawia Chuaungo kaihhruai-ah hian Gauhati High Court judge pahnih Justice Michael Zothankhuma leh Justice Nelson Sailo te bakah mi pawimawh tak tak an tel a ni.
(DIPR)
<><><>
MANIPUR: 169 PERSONS INCLUDING 94 PERSONNEL FROM CAPF CONFIRMED AS COVID-19 POSITIVE CASES
Darkar 24 kalta chhung khan Manipur-ah Covid-19 hri kai 169 hmuhchhuah an ni a, an zinga 94 hi Central Armed Police Force mi an ni. Hemi chhung hian JNIMS Hospital atangin Covid-19 damlo pakhat chhuahtir a ni bawk.
Mipui hri kai 75 zinga mi 4 te chu Noney district mi, state dang atanga haw an ni a, midang 71 chu tualchhung mi, zin veivahna nei lo an ni. Hri kai zawng zawngte hi Covid Care facility-a dah an ni.
Manipur-ah hian Covid-19 hri kai 3,635 hmuhchhuah tawh an ni a, an zinga 795 hi Venghimtu sipai an ni. Dam lo 1,927 chhuahtir tawh an ni a, tuna enkawl lai chu 1,697 an ni. Hri kai enkawl dam chu za-a 53.07 an ni mek a ni.
Manipur-ah hian nimin khan Covid-19 hri kai mipa kum 63-a upa, natna dang nei a thi a. Hri kai thihpui 11 an awm ta a. Manipur-a Covid-19 hri kai 765 chu zin veivahna nei lo tualchhunga kai an ni tih finfiah a ni tawh bawk.
(newsonair)
<><><>
CENTRE, KERALA GOVT ANNOUNCE RELIEF FOR FAMILIES OF DECEASED IN KOZHIKODE AIR CRASH
Civil Aviation Minister, Hardeep Singh Puri chuan Kozhikode-a Air India Express thlawhtheihna chesuala thi chhungte chu cheng nuai 10 theuh zangnadawmna pek an nih tur thu a puang a. Hliam na zual cheng nuaih 2 theuh pek an ni ang a, hliam tenau tuarte chu cheng sing 5 theuh pek an ni bawk ang.
Puan tawh angin, zirtawp zan dar 7 leh minute 41 khan Kerala, Kazhikode-a Karipur Airport-ah Air India Express thlawhtheihna chu a tum laia a tumkawng zawh sualin a chesual zui a, a tlan kawng atanga feet 35-a hlaah a peng chhuak a, hmun 2-ah a bung a ni.
He thlawhna hi Covid-19 hri leng vanga India mite hruai haw runpui (Vande Bharat mission)- a thlawk, Dubai atanga India-a rawn thlawk haw a ni a. Thlawhna hnathawk tiamin mi 191 an chuang a. Mi 18 an thi a. Mi 160 chuang an hliam a, thenkhat chu an na hle a ni.
Hardeep Singh Puri chuan thlawhna chetsual chhan chhui mek a nih thu a sawi a. Thlawhna thlawh dan chinchang vawnna khawl (Digital Flight Data Recorder leh Cockpit Voice Recorder)-te pawh hmuh a ni tawh.
(newsonair)
<><><>