«Навбаҳор» мухлислар клуби» наманганлик мухлисларга мурожаат қилди📃

Мухлисларимизга мурожаат!

Азиз "Навбаҳор" мухлислари, қадрли футбол иҳлосмандлари. "Навбаҳор" "Мухлислар клуби" номидан "Пахтакор" билан ўйин олдидан сизларга мурожаат қилмоқчимиз.

Ўзбекистоннинг энг етакчи мухлислари бизнинг мухлислар экани билан фахрланамиз. Сизлар шубхасиз етакчисизлар. Сафардаги ўйинларда "Навбаҳор" клубини ёлғизлатиб қўймасдан ҳақиқий ўн иккинчи ўйинчи бўлиб туришибди. Ҳар бир ўйинда "Навбаҳор"ни қўллаб-қувватлаб, клуб манфаатини ўйлаган мухлисларимизга катта раҳмат! Сиздан илтимос қилиб қоламизки, "Пахтакор" билан ўйинда севимли жамоамиз "Навбаҳор"ни шундай қўллаб-қуватлайликки, жамоамиз аъзолари ўзларини худди ўз уйида ўйнагандек ҳис этишсин. Албатта бундай қўллаб-қувватлашдан жамоамиз ҳам рухланиб ажойиб натижа билан уйга қайтишади. Пойтахтда ўтадиган учрашувга барча мухлисларимизни таклиф қиламиз. Сафар давомида тартиб интизомларга қатъий риоя қилишингизни, ўйин вақтида майдондаги ҳакам ва футболчиларга турли хил қўпол сўзлар ишлатмасликни, майдонга турли буюмларни улоқтирмаслигингизни ҳамда юракдан 90 дақиқа давомида, тик турган ҳолда жамоамизни қўллаб-қувватлашга, фан-клуб жойлашган сектор томонда бўлишга ва ўйиндан сўнг ўриндиқларни тозалаб кетишни барча мухлисларимиздан сўраб қоламиз. Маданиятли мухлис эканимизни барчага намойиш этайлик. Сизларга раҳмат!

Бугун "Пахтакор" ўйингоҳидан туриб "Навбаҳор" жамоамизни қўллаб-қувватланг! Барчани қизил рангли либосларда ўйингоҳга келишлари сўралади. Бизни олдинда қизиқари ва муросасиз баҳс кутиб турибди. Ҳамма стадионга. Олға "Навбаҳор"!!!

МАНБА: FKMUHLIS