WYCON: Long lasting eyeliner

Биыл Қазақстанда WYCON бутиктері ашылған еді. Алматы, Астана, Атырау қалаларында бар екенін білем. Жалпы бұл брендті 2009 жылы бизнесмен Джанфранко Сатто мен макияж саласының маманы Рафаэлло Пагано құрған (бренд атауы We are icon деген сөздерден шыққан дейді. Бірақ неге Y-мен жазылатынын ұқпадым). Косметика дизайны өте қарапайым. Өндірушілердің айтуынша сапалы косметиканы қолжетімді бағамен сату үшін дизайн, қаптама мен жарнамаға шығындалмайды. Дегенмен жарнамасын бірнешн рет көргем. Слоганы да бар - "Show the world who you are" (Əлемге кім екеніңді көрсет). Сатылатын барлық дүние Италияда жасалады. Айтпақшы, WYCON бутигі бізден бұрын Моңғолияда ашылды. Моңғол əйелдер бізден гөрі сəнқой ма деген ой бар)). Баяғыдааа Моңғолия туралы фоторепортаждың бірінен Yves Saint Laurent бутигінің алдында тұрған жігіт суретін көргем. Ал бізде ресми бутигі əлі жоқ 🤔🤔

Не айтпақшы едім өзі? Əə, иə, WYCON. Жазда Алматыда көз бояйтын қарындаш іздеп, ақпайтын, езілмейтін, кетпейтін деген соң Wycon Long lasting eyeliner қарындашын алған едім. Smoky eyes жасау үшін жарайды, ал подводка ретінде нашар. Бірер сағаттан соң бояуыңыз көздің астына қарай жылжи бастайды. Өзін жуып тастау да қиын. Өте майлы. Бетімді косметиканы кетіруге арналған сүтпен, лосьонмен сүртіп, гельмен жуған соң да спонжымда бояу іздері қалады. Бүгін Астанадағы Мегаға барып Wycon консультантынан ақпайтын қарындаш сұрасам, дəл соны ұсынды. Бұл жалпы марканың нашарлығын білдірмейді əсте. Көз бояйтын ақпайтын қарындаш іздесеңіз, басқа жерден іздеңіз деген ақыл-кеңес қой 😉