Тоналды крем жəне анау-мынау туралы

✔Тоналды крем беттің безеуін, əжімді жасыра алмайды. Сондықтан тоналды кремді қалыңдатып жаққан сайын проблема ушыға түседі. Бетіңіздегі маска безеуден де сорақы көрінеді. Сонымен қоса теріңіздің тесіктерін бітеп, қабыну процесін одан əрі өршітесіз.

✔ Тоналды крем бетке зиян емес. Елу жыл бұрынғы тоналкалар зиян болған шығар. Косметология дамыды, ал бұл түсінік мифке айналды. Қазіргі тоналды кремдер бет терісін ылғалдандырады, қорғайды. SPF фильтрлері бар дегендей. Арзан косметика алып үнемдеген 1-2 мың теңгеге бургер алып жегенше, 1-2 күн диетада отырып, сапалы косметика алған жөн. Бет терісі сіздің жасаған əр жаман-жақсы əрекетіңізді ешқашан ұмытпайды.

✔ Тоналды крем бетке əр береді. Реңін жақсартады. Адамның қартайғанын жүзіндегі əжімі емес, бетінің түсі айтады. Жас қыздардың албыраған жүзіне қызығамын. Сол қызылы жыл өткен сайын қашып, бет сұрлана бастайды. Сол кезде сізге тоналды кремдер көмектеседі. (Хайлайтерді ойлап тапқан адам кармасына +100). Алайда тонды дұрыс таңдау керек. Кей қыз-келіншектер ағарам деп бірнеше тон артық алып жіберіп күлкілі (кейде аянышты) көрінеді. Сатушылар ВВ, СС кремдер өзі сіздің теріңіздің түсіне бейімделеді дейді. Трындят. Бетіңізге (қолға емес!) жағып тексеріп алыңыз.

✔ Блузка кигенде ішінен ішкиім киесіз ғой? Əйтпесе бүкіл дене мүшеңіз айдай көрініп түратын еді. Тоналды крем де солай. Базасыз жақпаңыз. База барлық тесіктерді бітеп, кремнің біркелкі жатуына кепіл болады.

✔Тоналды кремнің ең жаманы телефон экранында, киімде із қалдырады. Куртка сияқты сирек жуылатын киімдер жағасында жылтырап, абыройды айрандай етеді. Сондықтан тоналды крем үстіне фиксатор қолдану керек. Пудра түрінде жəне спрей (мист) түрінде болады. Өзіме қосымша ылғалдандыратыны үшін спрей түріндегісі ұнайды.

✔ Тоналды крем жағатын губкалар туралы. Қазір нешетүрлі спонждар шықты. Бірақ əр процедурадан соң жуылмаған соң бактериялар көзі ретінде көріп, жақтырмаймын. Бірнеше рет қолданып көрдім. Қолданыста супер деп те айта алмаймын. Сондықтан өзіме щеткамен не саусақтарыммен жаққан ұнайды.

Мен болдым. The End.