Самолетте тері 17 есе жылдам құрғайды

Құр.кз мақалалары сияқты ма тақырып 😜 Бірақ бұл факт. Самолетте, əсіресе алыс шетелдерге ұшқанда, теріңізге шақырайған құмды шөлейтте отырғандай əсер етеді. Салондағы құрғақ ауа теріңіздегі бар ылғалды сорып алады. Сонымен

Рекоменделмейді:

⛔ самолет салонында кофе, алкоголь ішпеңіз (кофе ағзадағы сұйықты шығарады, алкоголь заталмасу процесін тежейді);

⛔ теріні құрғататын салфетка, тоналды крем, маска жасамаңыз;

⛔ SPF қорғанысы бар кремдер қолданбаңыз (тері онсыз да ауыртпалық көтереді);

⛔ контурлаудан бастап, мейкаптың күрделі элементтері жасалатын макияж;

⛔ Ауыр, майлы, ащы, тұзды тамақтар жемейміз. Ағзамыз бар қуатын тамақты қорытуға жұмсап, терінің қалпына келуіне күш жетпейді.

Рекоменделеді:

✔ Тоналды кремнің орнына ВВ крем, СС кремдер қолдану (жеңіл макияжға рұқсат);

✔ Ылғалдандыратын маска немесе патчтер жасау. Əсіресе, көз айналасындағы тері тез зақымдалады. Сондықтан əуеге көтерілген соң 10-15 минуттан соң жəне қонудан 15-20 минут бұрын көзіңіздің айналасына патчтер қолданыңыз;

✔ Термальды сумен бетті ылғалдандырып отыру (құрамы төмен молекулярлы суды пайдаланыңыз. Құрамында тұз болмағаны жөн, тұз ылғалды сорып алады);

✔ Ұзақ мерзімді ұшуға дейін теріні тазартатын ешқандай механикалық, химиялық процедура жасамау;

✔ Ұзақ уақыт креслода отырып, қозғалысыңыз шектеледі. Аяғыңыз ұйып, жамбасыңыз тесіліп қалатындай. Креслодан тұрмай-ақ аяғыңызды балаша əрлі-берлі қозғалтыңыз. Бұл ірі тамырлар тромбозының алдын алуы мүмкін.

✔ Таза суды, жеміс-жидектерді көбірек жеңіз. Ағзадағы су балансын қалпына келтіру керек.

P.S. Ірі косметикалық дүкендерде сауда жасағанда пробниктерді сұрап алыңыз. Əдетте қол жүгіне 100 мл артық сұйықтықтарды өткізбейді. Ал крем, маска жəне басқа косметиканы өзге ыдысқа құюға қарсымын. Микроб, ауа араласып, компонент өзгерісіне əкелуі мүмкін ғой. Қандай пробниктер сұрайтыныңызды білесіз ғой 😊