Шие ерін

Ерін неге қызыл болатынын білесіз бе? Себебі тері астындағы капиллярлар өте көп. Ал капилляр босаңсығанда яғни қан азайғанда не гемоглобині төмен, анемия, аорта жетіспеушілігі бар кезде ерін бозарады.

Сонымен ерін күтіміне келсек. Ерін терісі əлдеқайда жұқа, сондықтан ерекше күтімді қажет етеді. Оның үстіне басқа аймақтарға қарағанда көбірек косметикалық құрал əсеріне түседі. Сіз, мысалы, күніне тоналды кремді бір рет не мүлде жақпауыңыз мүмкін. Ал помаданы бірнеше рет жаңалайсыз. Ол сапалыы əрі пайдалы болса жақсы.

1. Таңертең тісіңізді ысқанда ерніңізге де массаж жасауға болады. 2-3 минут бойы дымқыл тіс щеткасымен. Ultra soft (өте жұмсақ) қылшықтысы қажет. Не болмаса қатқыл махер сүлгімен массаж жасаңыз (қазақша ысқылаңыз десем, ерніңіздің далдалын шығара ма деп қорықтым 😄)

2. Маскалар. Жай ғана балдың өзін 5-7 минутқа жағып қойыңыз. Тек ерніңізді жаламаңыз. Содан соң сумен жуып тастаңыз. Ерніңіздің жұмсарып қалғанын бірден байқайсыз. Ал балға қантты араластырсаңыз дайвн пилинг болып шыға келеді.

Қаймақ маскасы. 1 ас қасық қаймаққа 2-3 тамшы лимон шырынын жəне 2-3 тамшы сұйық май араластырып ерніңізге жағып қойыңыз. 10 минут ұстаңыз.

Сəбіз шырыны ерінге өте пайдалы. Сəбіз шырынын зəйтүн майымен тең араластырып жағыңыз. Қол тимей жүргенде жай ғана зəйтүн майының өзін жаға салыңыз. 5 минуттан соң жұмсақ майлықпен абайлап сүртіңіз.

3. Ерніңізге жаттығулар жасаңыз. Мысалы майшамды үрлегендей үрлеңіз. 2 минут. Ерінді мүмкіндігінше қимылдатып, о, ө, ү, ұ, і, ы дыбыстарын айтыңыз.

4. Шие еріннің жауы - жаман əдеттер. Бұл ерінді жалау, тістелеу. Жалаған сайын ерін кеберсіп жарылады. Ал тістелегенде сіз ерніңізді жаралап, сол арқылы тері астына инфекция енгізуіңіз мүмкін. Сосын ұшық шыққанда қай тамақтан ұшындым демей-ақ қойыңыз.

Соңғы кезде сəнге айналған тинттерді де еріннің жауы дер едім. Алайда қазір тинттер құрамына майлар мен витаминдер қоса бастады. Дегенмен азиялық тинттер еріннен кетпейді бірақ өте құрғақ. Ал еуропалық өндірушілер түрлі май қосып жеңілдетіп жасайды, бірақ ол тинттер кореялық сияқты тұрақты емес.

Леонардо да Винчи Мона Лизаның ернін салу үшін 12 жыл жұмсапты. Əлбетте, əдемі ерінге қол жеткізу бір-екі сағаттық жұмыс емес екенін біз білеміз ғой)))

Əзірге ерніңізге маска, пилинг жасап помада жағуға дайындап қойыңыз. Сəл кейінірек помадалар шолуын жасаймын.