Сіз қалай ұйықтайсыз?

Мен етпетінен жатқанды ұнатам. Аяғым ауыр кезімде Coca Cola ішуді не болмаса бізөкше туфли киюді емес, бетіммен жастық иіскеп, етпетінен еркін жатуды сағындым.

20 жасыңызда қалай жатсаңыз да, таңертең бетіңіз қуыршақтың бетіндей болып тұрады. Еш қатпарсыз. Ал 35 жастан соң сіздің қандай позада ұйықтағаныңызды таңертең бетіңізге қарап білуге болады. Дұрыс қалыпта жатпау бетіңіздегі əжімдердің негізгі себебінің бірі. Сондықтан əжімнің алдын алайық.

Етпетінен жату маңдай, көз айналасындағы терең əжімдердің пайда болуына əкеледі. Кейде таңертең жастық қатпарларының іздері бетімде қалып қоятынын байқадым 😜 Мұндайда жұмысқа жиналып жүргенде жылдам көздің айналасына арналған патчтердің бірін жабыстыра қоямын.

Бүйіріңізбен жатсаңыз, көздің айналасындағы жəне мұрын қуысындағы əжімдерден құтыла алмайсыз. Айтпақшы, омыраудың созылуына да осы поза кінəлі дейді бір дереккөздер.

Жастықсыз не жұқа жастықта жатса тіпті тамаша. Шалқасынан жатып үйренген қыз-келіншектерге рақат. Əжім де түспейді, омыртқалары да түзу. Бір аптадай өзіңізді күштесеңіз, дене кейін үйреніп кетеді екен. Бүйірімен жататындар құлақ жағына екі заколка қыстырып алса түнде бейсана түрде шалқалап жатады. Ал етпетінен жататындар алдыңғы қалталарына жаңғақ салып тігіп қойсын деген кеңес беріпті. Пижамамда қалта жоқ еді. Бетіме əжім түспеуі үшін тырысып көремін енді))