Прачытанае ў маі-2018
t.me/bellitraКараценька пра прачытанае беларускае і беларускамоўнае за май (размяшчэнне ў спісе ў парадку чытання).
У назвах кніг актыўныя спасылкі на мае водгукі.
1.Пентці Xaанпяя «Боты дзевяці салдат» (пераклад з фінскай мовы Якуба Лапаткі), 3/5.
Нетыповая кніга пра вайну ад фінскага пісьменніка, апісаная праз падарожжа пары ботаў, якія пераходзяць ад салдата да салдата.
2.Валеры Гапееў “Мая мілая ведзьма” ("Мастацкая літаратура", 2017 г.), 5/5.
Сёлета Валеры Гапееў атрымаў Прэмію Цёткі за лепшы твор для дзяцей і падлеткаў, і гэтая кніга сапраўды таго вартая. Гісторыя пра сучасных 10-класнікаў, якія часам вымушаныя вырашаць зусім не дзіцячыя праблемы.
3.Антон Кулон “Сіняя кніга беларускага алкаголіка ПЛЮС” ("Галіяфы", 2018 г.), 4,5/5.
Споведзь чалавека, які пасля доўгіх гадоў змагання здолеў перамагчы залежнасць. Варта чытаць нават тым, хто не мае падобнай праблемы.
4.Ніна Лістота “Каханні” ("Кнігазбор", 2017 г.), 3/5.
Аўтар сабрала 20 сапраўдных гісторый кахання, перарабіла іх, скараціла і сабрала ў невялічкую кніжачку. Атрымалася трохі каша.