Помадаларға шолу

1. Guerlain Rouge Automatique. 2011 жылдан бастап шыға бастады. Футлярын инновациялық деп айтуға болады. Бірақ Guerlain креатив директоры Оливье Эшодмезон бұл футлярдың дизайнын мұрағаттағы 1936 жылы жасалған помададан көргенін айтқан. Айтпақшы, ең алғаш осы помаданы таныстырған Наталья Водянова. Енді помаданың өзіне келейік. Қолданыста өте ыңғайлы, қақпағы жоқ. Бүйіріндегі кнопкасын астына басқанда помада шыға келеді.

Түстері супер. Жалпы 25 түсі бар: беж, оранж, роза жəне қызыл реңдер. Менде 165 тон (сөу романтик түс). Текстурасы өте жұмсақ, ерінде жұқа пленка тəрізді жатады. Иісі нəзік, дəмі сезілер сезілмес, өте приятты. Жиырылып, қатпарланып қалмайды, біркелкі жатады. Таңертең жақсаңыз, жұмыста 1-2 стакан кофе, круасаннан соң кете бастайды. Бірақ түске қарай ерінде сондай табиғи əдемі біркелкі рең қалдырады. Бағасы 7600 теңге. Жақында алмақшы болып дүкенге барғанда таппадым. Бірақ интернет дүкендерде бар екен.

2. Clarins Eclat minute бальзам. Иə, помададан гөрі бальзам дер едім. Ерінге болмашы ғана рең беріп, визаждан гөрі күтім жасауға арналған сияқты. Өте нəзік текстуралы. Аздап ванильдің дəмін сеземін ернімде. Помаданың өзі жұп-жұмсақ, еріп кететін сияқты. Бірақ ерніңіз жарылып тұрса, жақпаңыз. Қабыршақтардың бəрі көрініп тұрады. Футляры жіңішке, əдемі.

Құрамы негізінен пайдалы компоненттерден тұрады: А, Е витаминдері, карите майының экстракті, жабайы манго майы. Құрамындағы "3D" пигменті ерінді үлкейтеді дейді. Алайда ол пигмент жай жылтыр май ғана. Дегенмен натурал макияж үшін тамаша. Жалғыз минусы бағасы дер едім. Болмашы ғана рең беретін бальзам үшін 6500 қымбаттау сияқты.

3. Clinique Pop Lip Colour + Primer. Иə, Clinique косметикасына бүйрегім бұрып тұрады. Оның себебі де бар. Помада мен праймер бір құтыға тоғысқан. Бұл серия 2015 жылдың көктемінде шыққан болатын. Бірақ көпшіліктің сүйіктісіне айналған.

Мүмкін көп палитрасы əлде 6-7 сағатқа жететін шыдамдылығының арқасы ма. Мүмкін иісі де дəмі де жоқ нейтралдығы үшін бе. Бəлкім құрамындағы мурумуру мен ши майының комплексі ме, кім біліпті. Текстурасы алдыңғыларға қарағанда қалыңырақ. Əлбетте помада+праймер болғандықтан шығар. Есесіне азды кемді кемшіліктерді көрсетпейді. Ерінде барқыт сияқты жатады. Тамақ ішкен соң да ерінде қалады. Кешке косметиканы сүрткен соң ерінді құрғатпайды. Жазда күн ыстықта сəл ағып жылжып кетуі мүмкін, сондықтан карандашпен контур жасағайсыз. Бағасы 9000 теңге.

4. Guerlain Kiss Kiss Strass. Кезінде Guerlain-нің Kiss Kiss помадасын Мерилин Монро қолданған дейді.

Қаптамасы əдемі. Үш алтын квадраттарынан құрастырылған сияқты. Бірақ, бірнеше айдан соң помаданың сыртындағы жылтырлар кете бастайды. Қазір дүкендерде қара түсті варианттарын көріп жүрмін. Қаптама дизайнына өзгеріс енгізді-ау осы. Помаданың өзіне келсек, ол блескке жақын. Бірнеше қабат жақпаса, қанық рең шығуы екіталай. Есесіне жылтырауы керемет. Ұзақ уақытқа шыдамайды. Максимум 1-2 сағат ерінде идеал тұрады. Текстурасы өте жұмсақ. Өткенде Mon Amieден жеңілдікпен 7600 теңгеге көрдім. Негізгі бағасы 15 000 теңге деп тұр екен. Ал мен былтыр күзде ешқандай жеңілдіксіз шамамен 8000 теңгеге алғам. Бұл маркетологтарға дауа жоқ 😉

Қалған помадаларға шолу жасамай-ақ қояйын, айтатын дымы жоқ. Ал бальзамға келсек, тұрақты қолданыстағы Mizon-ның Collagen Aqua эссенциясы (көлемін ұлғайтады дейді, бірақ онсын байқамадым. Есесіне қатпар, əжімдерді жақсы жазады). Жəне де Loccitane-нің Verveine бальзамы. Қыс бойы ерінімді қорғап келді. Вазелинге ұқсайды, тек вербенаның ұнамды иісі бар.