Клининг. Қол. Крем.
@beautylogic![](/file/84fb485670ad55ff6cb4c.jpg)
Демалыс күні ерекше тамақ дайындауды, клинингті, шоппингті, киноны, қонаққа баруды жоспарлауым мүмкін. Бірақ жоспардың ұзыын тізімінде ештеңеге қарамастан міндетті түрде орындалатыны уборка. Негізінен демалыс күнгі уборка психикаға пайдалы, бірақ теріге əсте жоқ. Еденді, ыдыс-аяқты хлормен жуып алғанды ұнатамын. Ал қолым ше? Тіпті глицерин қосылған ыдыс жуатын ең жұмсақ сұйықтықтың өзінде ПАВ-тар, зиянды заттар болады. Біздің хлорлы сулардың өзі қолды аяздан бетер құрғатып, кутикуланың жырым-жырымын шығарады. Не істемек керек? Ыдыс жуатын машина арман ғой.
Сондықтан уборка алдында қолыма аздап крем жағып жұқа резеңке перчатка киіп алам.
![](/file/888bd9bb64ebbea10ca0c.jpg)
Уборка біткен соң қолым барқыттай жұп-жұмсақ. Айтпақшы, жақсы крем тауып алдым. Бағасы 230 теңге. Невская косметиканың өнімі. Бастапқыда уборка үшін алғам. Бірақ соңғы бір ай қолыма еш күтім жасамасам да, жұп-жұмсақ болып жүргенін байқадым. Кутикулам əп-əдемі. Мұны маникюр жасайтын қыз да байқады)) Сондықтан бұл "Оливково-глицериновый" кремін асүйден косметичкама салып қойдым. Крем өте қою, сондықтан бұршақ көлеміндей мөлшері күректей екі қолға еркін жетеді.