Bunaqa dars universitetda bo'lmaydi!
MyTSUL
2018 йил 3 май куни Тошкент давлат юридик университети Давлат ҳуқуқи ва бошқаруви кафедраси катта ўқитувчиси К.Алиева ва биринчи курс деканати томонидан Марказий сайлов комиссиясига 1 курс рус ва инглиз гуруҳлари талабалари учун сайёр дарс ташкил қилинди.
Сайёр дарс “Ўзбекистон Республикаси сайлов тизимида кузатувчиларнинг роли ва ўрни” мавзусида бўлиб ўтди.
Талабалар билан Комиссия котиби С.Курбанкулов, комиссия аъзоси О.Абдуназаров, Халқаро алоқалар бўлими З.Асланов ва Умумий бўлим бошлиғи Ф.Насриддинов билан учрашдилар.
Учрашувда халқаро ва миллий кузатувчиларнинг сайлов жараёнидаги фаолияти, конституциявий-ҳуқуқий нормаларни кузатувчилар фаолиятига тадбиқ қилиш амалиёти, шунингдек, сайлов қонунчилигининг кейинги ривожланиш масалалари муҳокама қилинди.