Бетіңізді немен сүртесіз?

Мен үшін ең жақсы қонақүй бес жұлдызды емес, бет сүртуге арналған салфеткасы бар қонақүй. Себебі соңғы уақытта бетімді орамалмен сүртпеймін.

Неліктен орамалдан бас тарттым?

Қолды, басты, бетті, денені бір орамалмен сүртуге болмайды. Үйдегі əр адамның өз жеке орамалы болуы тиіс.

Қолыңызды жуғанда микробтардан 100% құтыла алмайтыныңызды білесіз ғой? Уот, сол микробтар орамалға көшіп келеді. Ал ылғал орамал микробтардың көбеюі үшін таптырмас орта.

Орамал (жаңа жуылып, жаңа үтіктелген жұп-жұмсақ мамық орамалдан басқасы) бетіңізді созып, əжім түсіруі мүмкін. Салфеткамен сүрткенде бетіңізге сəл ғана тигізіп, сорғытсаңыз жеткілікті.

Орамал арқылы микробтар ғана емес тері аурулары да жұғуы мүмкін. Сонымен қоса орамалда тер, жуылмаған кір, эпителий қалдықтары қалады.

Қазір көптеген косметикалық фирмалардың өзі муслин салфеткалар (орамалдар) шығарады. Жетеуін алып қойсаңыз, аптасына бір жуып, үтіктеп қоясыз.

Ал жұқа салфеткалар алып қойсаңыз, бір сүртіп лақтыра саласыз. Əрі жұп-жұмсақ, таза, бетті зақымдамайды.

Ең ыңғайлысы осы. Таза, жұмсақ, үнемді. Кейде артық кремді сорғыту үшін де пайдалана беремін.

P.S. Бетіңізді жумас бұрын қолыңызды мұқият жуыңыз. Қолдағы микроб көлемі туалет жиегіндегі микробтардан кем болмайды деген дерек бар. Бетіңізді, мұрныңызды сипалау əдеті болса арылуға тырысыңыз.