Банан маскасы

Балалардың ауылға кеткеніне жарты ай болды. Үйде тамақ істемеймін, сырттан ішіп жүрмін. Дырылдап тұрған мұздатқыш дауысы "осы неге электр қуатын үнемдемеске" деген ойға итермеледі. Сонымен мұздатқыш ликвидациясына кірістім. Бананды мүлдем жемеймін. Сөреде тұрған банан байламынан маска жасауды ұйғардым.

Бананның теріге пайдасы. Банан жидегінің (иә, бұл көкөніс те, жеміс те емес, жидек!) құрамында В тобының витаминдері, А, С, РР витаминдері мен минералды заттары бар. Және олар өте сіңімді. Теріге қатысты. Оған қоса бананда жеміс қышқылдары мен аминқышқылдары (лизин, триптофан, метионин) бар. В тобының витаминдері терідегі қабынуды (безеулерді де) тежейді, ұсақ жаралардың тезірек жазылуына септеседі. А тобының витаминдері тері регенрациясы үшін қажет. Органикалық қышқылдар тері пораларын тазартады, тері бездерінің жұмысын қалпына келтіреді. Холин терінің түсін жақсартады. Токоферол терінің эластин мен колаген түзуі үшін қажет. Калий ылғал балансын сақтайды. Магний ұсақ қан тамырлар жұмысын жақсартады. Менің куперозға бейім бетім үшін тамаша деген ойдамын. Осы заттардың барлығы біздің сатып алатын косметикаларда бар. Tony Moly-дің банан маскасын қолданып көргендеріңіз бар шығар. Рекомендейтін құралдардың бірі.

Масканың жасалуы. Бастапқыда тұтас бананды алдым. Бір бетке бұл тым көп екен. Жасалған масканы ұзақ сақтауға болмайды. Бірден қолдану керек. Бір бананды бетке, мойынға және қолға жеткізуге болады. Сонымен, бананды аршып, шанышқымен еземіз. Интернеттегі суреттерде бетіне қою маска жабыстырып алған аруларға сенбеңіз. Маска қою айран сияқты консистенцияда болады. Алғашқы маскама бір қасық бал қостым. Балдан сұйылып кетті ме деп ойлап едім, тіпті бал қоспай өзін езсеңіз де сұйылып кетеді екен. Бананның өзін ғана езіп жағуға да болады өзге компонент қоспай. Бірақ байытылған маска өзіңізге жақсы ғой. Антиэйдж маска жасап, әжіммен күресем десеңіз, жарты шай қасық бал мен шикі жұмыртқаның сарысын қосуыңызға болады. Құрғақ бет үшін 1 ас қасық қаймақ пен бананнан жасалған маска, ал майлы бетке банан + лимон шырынының 1-2 тамшысы қосылған маска жасауға болады. Сосын корица қосуға да болады, шай қачықтың ұшымен ғана. Иісі керемет!

Масканы жағу. Мені әбігерге салған осы жағылуы болды. Маска жоғарыда айтқанымдай сұйықтау. Сондықтан щеткамен жаққан жөн. Немесе мақта тампондарымен де жағуға болады. Маска жақпас бұрын бетіңізді жуып, скраб не пилинг жасаған жөн. Сонда пайдалы компоненттер беттің өлі қабатында тұрып қалмай тереңірек сіңеді. Масканы 15 минут ұстаймыз да, жылы сумен жуамыз. Тері сәл дегдіген кезде қолыңызда бар сарысу (сыворотка) немесе серум не эссенция жаға қойыңыз. Бітті. Маскадан бет бірден жасарып кетпейді әлбетте. Бірақ тері жұмсарып приятты бола қалады. Бір алма жегеннен сіздің де қаныңыз көбейіп иммунитетіңіз күшейіп кетпейді ғой 😊

The End.