Avon. Ваннаға арналған көбік

Бұл көбік сыйлыққа келген еді. Негізі шоколад пен апельсин иісін жақсы көремін. Сондықтан осы ваннаға арналған көбік көңілімнен шығады деп ойлаған едім.

Алдымен құрамына көз жүгіртіп шығайық.

Құрамы: су, натрий (ПЭГ) лаурилсульфаты, кокос майы қышқылдарының этаноламиді, натрий хлориді, жұпар иіс беретін қоспа, кокамидопропилбетаин, карамель, лимон қышқылы, этилендиаминтетрауксус қышқылының динатрий тұзы, бензофенон-3, натрий гидроксиді, денатурализацияланған спирт, метилхлороизотиазолинон жəне метилизотиазолинон, С1 14700, бензилбензоат, лимонен.

Уфф. Əзер көшіріп шықтым ғой. Шоколад пен апельсин қайда дейсіз ғой)) оны өндірушілерден сұрау керек.

Енді басынан бастап: ПЭГтен қорқудың қажеті жоқ. Интернетте оның зияны туралы қорқынышты материалдар бар, бірақ ғылыми түрде полиэтиленгликольдердің белгілі мөлшерде қауіпсіздігі дəлелденген. Кокос майының туындылары теріңізге пайдалы, натрий хлориді - кəдімгі ас тұзы, кокамидопропилбетаин тазартқыш құрал, көбіктің көпіршіп тұруын қамтамасыз етеді. Көбіне сусабындар құрамында болады. Қауіпсіз. этилендиаминтетрауксус қышқылының динатрий тұзы - тұрақтандырғыш, жалпақ тілмей айтқанда косметикалық құралдың ашып кетпеуі үшін қажет. Терісі сезімтал адамдарда аллергия тудыруы мүмкін. Ал жалпы, азық-түлікте де қолданылады. Бензофенон-3 органикалық қосылыс, UVA абсорбент, көбіне күннен қорғайтын кремдерге қосылады, кей адамдарда аллергиялық реакция тудыруы мүмкін. Натрий гидроксиді - сілті. Терінің ph балансын реттейді, теріні қабыршақтандыруы мүмкін. Денатурализацияланған спирт, дəл қай түрі екені көрсетілмеген. Бірақ пайдалы демес едім. Метилхлороизотиазолинон жəне метилизотиазолинон - Ресейде шығарылатын əрбір екінші косметикада бар. Бұл қоспаны 2015 жылдан бастап шайылмайтын косметикаға (крем, бальзам, сарысу) қосуға тыйым салынғанын ескеріңіз. Сусабындар мен жуынатын гелдер жасауда аздаған мөлшері қолданылуы мүмкін. Сонымен қоса бұл компонент дерматит пен аллергиялық реакция себепкері болуы мүмкін. С1 14700- бояғыш зат. Бензилбензоат - антисептикалық, хош иістендіру қасиеті бар. Дерматит, қотыр, қышымаға қарсы мазьдер құрамына қосылады. Лимонен химиялық жолмен алынады, косметикаға лимон хош иісін береді. Қорыта келгенде теріге пайдасы шамалы. Демек хош иісі лəззат сыйлап, жанды рахаттандыруы тиіс қой?

Онда "шоколад жəне апельсин" көбігінің иісіне келейік. Иісі... Бассейннен əкелген су-су купальнигіңізді пакетте қалған күйі 2-3 күн ұмытып көрдіңіз бе? Көгерген киім иісі есіңізде ме? Иісі дəл сондай.

Ұнағаны көбігі қалың жəне 15-20 минут ваннада жатсаңыз да еріп кетпейді. Ваннадан шыққан соң да біраз уақыт көгерген шірік иісін үстімнен сезіп жүрдім 😔 Қорытынды. Сатып алуға да, біреуга сыйлауға да кеңес бермеймін.

The End.