8.8

8- «Нұрлы Жол – болашаққа жол» жаңа экономикалық саясаты – Қазақстанның жаһандануға берген жауабы.

Елбасы Нұрсұлтан Назарбаев Қазақстанның «Нұрлы жол – болашаққа бастар жол» атты жаңа экономикалық саясатын жария етті. Жаңа экономикалық саясат еліміздің құрылымдық реформаларын одан әрі жүзеге асыруға бағытталады. Елбасы Үкіметке халық алдындағы әлеуметтік міндеттерін орындауды тапсырды.

Елбасымыздың «Нұрлы Жол - болашаққа бастар жол» атты жаңа жолдауының бұрынғы жолдауларға қарағанда ерекшелігі «Нұрлы жол» бүкіл әлемді дендеген дағдарыстың әсерінен болатын зардаптарға төтеп беруге бағытталған іс-шаралар кешенін қамтитын жалпыұлттық даму жоспарына айналып отыр. Үшіншіден, жаңа жолдаудың алдыға қойып отырған мақсат-міндеттерін жүзеге асыруға Ұлттық қордан қыруар қаржы бөлінуі. Биыл жыл басында ел экономикасын қолдауға 1 триллион теңге бөлініп, оның жартысы бірінші траншпен қажетке жаратылғаны белгілі. Жолдауда осы қаржының қалған бөлігі, яғни, 500 млрд. теңге мынадай маңызды бес бағытқа жұмсалатыны көрсетілді: 1) шағын және орта бизнесті жеңілдікпен несиелеуге – 100 млрд. теңге; 2) банк секторын жақсартуға – 250 млрд. теңге; 3) арнайы экономикалық аймақтарды дамытуға, атап айтсақ, «Қорғас шығыс қақпасы» мен атырау және Тараз қалаларында «Ұлттық индустриялық мұнай химия технопарктерін» дамытуға 81 млрд. теңге; 4) ЭКСПО-2017 көрме кешенін несиелеуге бұрын бөлінген 25 млрд. теңгеден бөлек тағы да 40 млрд. теңге; 5) Астана әуежайын жаңғыртуға 29 млрд. теңге бөлінбек. Бұған қоса, Елбасымыз өз Жолдауында 2015-2017 жылдар кезеңінде «Нұрлы жол» экономикалық даму жоспарына Ұлттық қордан жыл сайын 3 млрд. доллардан бөлінетінін жеткізді. Әсіресе, көлік-коммуникация саласын дамытуға ұлттық маңызға ие ерекше басымдық беріліп отыр.

Сонымен қатар, ел экономикасының өсіміне әсер ететін салаларды қолдау керектігін баса айтты. «Ұлттық қордағы қаржатты халық игілігіне жұмсау керек», - деген Президент шағын және орта бизнес үшін қосымша 100 млрд теңге бөліп, азық-түлік, химия өнеркәсібі, көлік құрастыру, тұрғын үй инфрақұрылымдарын нығайту және қызмет көрсету салаларын дамытуды тапсырды. Ал банк секторын қалпына келтіру үшін Елбасы күрделі несиелер қорына 250 млрд теңге бөлуді тапсырды. Сондай-ақ, Елбасы ЕХРО-2017 кешенінің құрылысын жалғастыру үшін келесі жылы несие ретінде 40 млрд теңге қаржы бөлуді міндеттеді. Бұл бұған дейін бөлінген 245 млрд теңгеге қосымша қаржы болады.

Елбасы осы аталған жаңа экономикалық саясатты жүзеге асыру үшін Үкіметтің ролін айқындаумен қатарбаршамызға «Нұрлы Жол» Жолдауын жүзеге асыруды табыстады.

Бүгінгі күнде Қазақстанның шыққан шыңы мен бағындырған биіктерінің ең басты себебі - Ел бірлігі және этносаралық келісім, біздің кейінгі ұрпаққа аманат ететін ең басты байлығымыз. Ешкімді кемсітпей, ешкімнің тілі мен дінін мансұқтамай, барлық азаматтарға тең мүмкіндік беру арқылы тұрақтылықты нығайтып және сол тұрақтылықты бағалай білгеніміздің арқасында бүгінгі табыстарға жетудеміз.Сол себепті, Елбасы қажырлы еңбекті қажет ететін, келешегі кемел Нұрлы Жолда бірлігімізді бекемдеп, аянбай тер төгуіміз керек екенін де атап өтті.

Сондықтан да осы жалпыұлттық құндылықты біздер өз тарапымыздан әрбір жастың бойына сіңіріп, сақтауға тиіспіз.