گلێنەی شاعیر

ئەگەر خەرمانی عومرم ئێستەکانە پاکی با بیبا

بەمەرگی تۆ مچوڕکیشم بەدڵدا نایە، با بیبا

هونەر گەر خۆی پەرێشانی نەبایە لەم وڵاتەیدا

بەشی من بۆ دەبوو چارەڕەشی و خانەخەرابی با

لەکوێ حاڵی من و تۆ وا دەبوو ئەی خۆپەرست ئێستا

ئەگەر دنیا ئوسوول و قاعیدە و نەزم و حیسابی با

بەجامێ بادە تێر نابم، ئەگەر مەیلت هەیە ساقی

گڵێنەی خۆم دەنێرمە خزمەتت، بۆم تێکە تا بیبا

وەبەر من نایەڵێ لێرەش مەی و ساقی جەنابی شێخ

دەنا لەولا شەراب و حۆری با هەر بۆ جەنابی با

هەموو عومری ئەبەد تێیدا نییە خۆشی دەمێک مەستی

خدر ئاوی حەیاتی بۆ چ بوو؟ فێری شەرابی با

1961

----------------------------------------
46 گێژەڵووکەی خەزان
https://telegra.ph/46-08-12