Ижтимоий тармоқлар орқали тарқалган “ҳоким қабулини 1 ҳафта кутдик. Ҳар жума фуқароларни қабул қилиши кўрсатилган. Миллий гвардия ходими ҳоким йўқ деди...” мазмунидаги хабар юзасидан
Оқолтин тумани ҳокимлиги Ахборот хизмати юқорида келтирилган хабарни тўла инкор этади. Оқолтин тумани ҳокимининг жисмоний ва юридик шахслар мурожаати юзасидан қабули ҳафтанинг ҳар жума кунлари мунтазам бўлиб ўтади. Қабулда фуқаролар томонидан билдирилган мурожаатлар рўйхатга олинади ҳамда мурожаатларни ижобий ҳал этиш юзасидан масъул ташкилот раҳбарларига берилган вазифалар баёнлаштирилиб ижроси шахсан туман ҳокими назоратига олинади.
Бундан ташқари ўтказилган ҳар бир қабул натижалари туман ҳокимлигининг ижтимоий тармоқлардаги расмий саҳифаларига жойлаб борилади қуйида келтирилган ҳаволалар орқали танишиб чиқишингиз мумкин:
Фуқароларга янада қулайлик яратиш мақсадида туман ҳокими қабулини жонли узатувини йўлга қўйиш орқали мулоқот ўрнатиш ражалаштирилаётганлигини маълум қиламиз.
Оқолтин тумани ҳокимлиги Ахборот хизмати