Фуқароларнинг ҳал этилмай қолаётган ҳамда тушунтириш бериш орқали ёпилган мурожаатлари таҳлил этилди

Жорий йилнинг 23-июл куни Президент Ш.Мирзиёйев раислигида аҳоли мурожаатлари билан ишлаш тизимини янгича ташкил қилиш чора-тадбирлари юзасидан ўтказилган видеоселектор йиғилишида берилган топшириқ ижросини таъминлаш мақсадида аҳоли мурожаатлари билан ишлаш ва барча мурожаатларни жойига чиққан ҳолда ўрганиб, тахлил қилиш бўйича ишчи гуруҳ ташкил қилинди.

Жорий йилнинг 6 ойи давомида Ўзбекистон Республикаси Президентининг Виртуал ва Халқ қабулхоналарига жисмоний ва юридик шахслардан жами 1963 та (2020 йил 1539 та) мурожаатлар келиб тушган.

Энг кўп мурожаат келиб тушган соҳалар таҳлил қилинганда, 515 та ижтимоий нафақалар, 19 та давлат органлари ходимлари фаолиятидан норозилик, 106 та банк кредитлари бўйича, 94 та иш билан таъминлаш бўйича, 147 та уй-жой бўйича, 68 та газ таъминоти ҳамда бошқа йўналиш ва соҳалар бўйича 1014 та мурожаатлар келиб тушган.

Бугун бўлиб ўтган йиғилишда фуқароларнинг мурожаат қилишга энг кўп мажбур қилаётган тизимли муаммолар ва уларни келтириб чиқарувчи сабабларни маҳалланинг ўзида бартараф этиш асосий вазифа этиб белгиланди.

Шунингдек туман ҳокими шахсан масъуллигида, сектор раҳбарлари, ҳоким ўринбосарлари ҳамда мутасадди ташкилот-корхона раҳбарларига  ҳал этилмай қолаётган ёки ҳуқуқий тушунтириш берилган муррожаатлар билан тизимли ишлаш бўйича топшириқлар берилди.

Оқолтин туман ҳокимлиги Ахборот хизмати