Оқолтинлик тадбиркор аёллар сафи кенгаймоқда
@oqoltin_yangiliklari
Бугунги кунда юртимизда ишбилармонлик муҳитининг юксалаётгани боис, айни пайтда тадбиркорликни бошлаш, банкдан кредит олиш ҳар бир оилада энг кўп муҳокама қилинадиган мавзулардан бирига айланди. Айниқса хотин-қизларнинг тадбиркорлик ташаббусларини қўллаб-қувватлаш, бандлигини таъминлаш, мамлакатда амалга оширилаётган иқтисодий ислоҳотларда иштирокини янада фаоллаштириш, уларда тадбиркорлик кўникмаларини шакллантиришда тижорат банклари ҳам ўз хиссаларини қўшмоқда.
Жумладан, АТ Халқ банки Оқолтин филиали томонидан жорий йил бошидан аёллар дафтарида рўйхатда турувчи 5 нафар хотин-қизларга тикувчилик, сартарошлик, косибчилик ва қандолатчилик йўналишларида имтиёзли кредит маблағлари ажратилиб, ўз тадбиркорлик фаолиятларини бошлашлари билан биргаликда 11 нафар хотин-қизларнинг бандлигини таъминлашга эришилди.
Шунингдек банк масъул ходимлари томонидан маҳаллабай ўрганишлар олиб борилиб тадбиркорлик фаолиятини бошлаш истагида бўлган фуқароларнинг таклифлари ўрганилиб зарур тавсия ва амалий ёрдамлар кўрсатилмоқда.
Сохиба Ибодуллаева,
АТ Халқ банки Оқолтин филиали бошқарувчиси ўринбосари