Оқолтин тумани ҳокимлиги ҳамда туман прокуратураси назорати остида "Лойиҳа гуруҳи" фаолияти йўлга қўйилди

Уларнинг вазифаси этиб қуйидагилар;

-туманнинг иқтисодий салоҳиятини чуқур таҳлил қилиш; 

-бўш турган кўчмас мулк объектлари, инвестиция салоҳияти, кооперация имкониятларини шакллантириш ҳамда “драйвер”лар – ўсиш нуқталарини аниқлаш;

-туманнинг ижтимоий-иқтисодий ривожлантириш тенденцияларини комплекс таҳлил қилиш;

-асосий иқтисодий кўрсаткичлар динамикаси ижросининг тизимли мониторингини олиб бориш;

-геология экспедиция гуруҳларини жалб қилган ҳолда геология-қидирув ишлари (ер ости ва ер усти бойликларини ўрганиш) амалга оширилишини ташкил этиш ва бу борада ташаббус билан чиқиш;

-туманнинг табиий хом ашё ва меҳнат ресурсларини ҳамда

“нисбий устунликлари”ни инобатга олган ҳолда уларни ривожлантиришга, иқтисодий ўсишига туртки берадиган соҳа ва йўналишларни белгилаб олиш ва тадбиркорликни шу соҳаларда ривожлантириш бўйича таклифлар ишлаб чиқиш;

-туман ҳудудида мавжуд ва амалдаги корхоналар ҳолатини

уларнинг ички ишларига аралашмаган ҳолда таҳлил қилиш, туманнинг илғор тадбиркорларини аниқланган ҳолда уларнинг рўйхатини шакллантириб, туманда “Тадбиркорлар кенгашини” ташкил этиш ва уларнинг ишини самарали ташкил этиб бориш;

-Давлат активларини бошқариш агентлигининг ҳудудий бошқарамлари

билан биргаликда бўш ва самарасиз бўлган объектларни хатловдан ўтказиб, мазкур объектлар негизида лойиҳа ташаббускорлари билар биргаликда истиқболли лойиҳалар рўйхатини шакллантириш ҳамда кооперация бўйича аниқ таклифлар ишлаб чиқиш;

-туман иқтисодиётининг рақобатбардошлигини ошириш каби яна кўплаб вазифалар белгиланди.

Ушбу вазифаларни самарали бажариш учун тумандаги комунал ва иқтисодий ташкилотларда ҳодимлар бириктирилди. Эндиликда улар туман иқтисодини ривожлантиришда раҳбарларга елкадош бўлади.

 Бугун, Оқолтин тумани ҳокимининг ўринбосари ҳамда туман прокурорининг ўринбосари томонидан бириктирилган ҳодимларга дастлабки қилиниши лозим бўлган ишлар тўғрисида тушунчалар берилди.