+18| Князь Орлов ва Екатерина ўртасидаги муносабатлар.
Жаҳон тарихи ва жўғрофияси мақоласиОрловлар сулоласи Россия империяси тақдирида ўзига хос рол ўйнаганлар. Бу сулола вакиллари ака-ука Орловлар Екатерина II ни тахтга олиб чиққан тарихий шахслардир.
Орловларнинг аждодлари рус боёнлари, яъни князлари бўлган. Орловлар жангавор уруғ бўлиб, кўпчилиги воеводалар бўлган экан. Ака-ука Орловларнинг оталари Григорий Иванович Орлов-Новгород губернатори бўлган. Айнан шу кишининг ўғиллари-Иван, Григорий, Алексей, Фёдор ва Владимир Орловлар Россия тарихида из қолдирган шахслар ҳисобланади.
Ака-укалар нихоятда бақувват, абжир ва шу билан бирга жуда шўх бўлганлар.
Екатерина II хали тахтга чиқмасидан Орловларнинг бири Григорий Орлов билан топишиб қолади. Григорий Орлов императорица Елизавета Петровнанинг генерал-фельдцхеймейстери граф П. И. Шуваловнинг адьюданти эди. Григорий Орлов ўлгудай хотинбоз лекин жасур киши бўлган. У аёлларни худди “пайпоқдай алмаштирган” экан, бежизга Петербургда уни Дон-Жуан деб атамаганлар. У хатто ўзининг бошлиғи граф Шуваловнинг севгилиси княгина Куракинани хам йўлдан уриб у билан анчагача ишқий муносабатларда бўлади. Ниҳоят ўз адьюдантининг қилмишларини сезиб қолган граф Шувалов ғазабланиб, Григорий Орловни адьюдантликдан бўшатиб гренадёр-фузелёрлар полкига ўтказдириб юборади. Айнан гвардия сафларида машҳур бўлган бу хотинбозни ўша пайтдаги шахзода валиаҳд, бўлғуси подшо Пётр III нинг рафиқаси Екатерина Алексеевна кўриб қолади. Хотини билан умуман иши йўқ бўлган Пётр III хақида жуда кўп эшитганмиз, ўқиганмиз, лекин баъзи бир машҳур тарихчиларнинг фикрига кўра Пётр III хотинини аслида севган,лекин жинсий қондира олмагани учун изтироб чеккан бўлса керак деган хулосаларга келмоқдалар. Екатерина Алексеевна эридан нафратланган ва ўзини жон-жон деб ёш, баққуват, дуркун Григорий Орловнинг қучоғига отади. Баъзи бир тарихий маълумотлар кўра, Григорий Орлов Екатеринани эрталабгача ухлатмасдан чиқаркан. Айнан шу даврдан бошлаб ёш малика жуда кўркам бўлиб очилиб кетган дейишади. Екатеринанинг ёрдами билан Григорий Орлов капитан унвонини олиб, Артилерия ва Фортификация бош бошқармасига бош хазиначи вазифасига тайинланади.
Григорий Орлов ва Екатерина Алексеевна ўртасидаги ишқий муносабатлар шу даражада чуқурлашиб кетадики, бу ҳақидаги хабарлар ҳатто Екатеринанинг эри Пётрга ҳам бориб етади.
Орловлар шу даражада без-бет эдиларки, бир куни кечаси Григорийнинг ўрнига укаси Алексей Орлов билдирмасдан келиб, ўзини гўё Григорийдай кўрсатиб Екатерина билан ётиб кетган экан. Бу ёлғонни эртаси куни сезиб қолган Екатерина Алексеевна роса йиғлайди, аммо бўлар иш бўлган эди. Айтишларича қолган ака-укалар ҳам Екатеринани кўриб кетган бўлиши ҳам эҳтимолдан холи эмас экан.
Екатерина уларни кечиради, чунки улар унга хокимиятга чиқишида мисли кўрилмаган ёрдамни беришлари мумкинлигини биларди.
1762 йил 28 июнь куни Екатерина Алексеевна ака-ука Орловлар ва гвардия ёрдамида давлат тўнтаришини амалга оширмоқчи бўлади. Ўша куни эрта тонгдан гвардия подшо Пётр III ни тахтдан ағдариб ташлаш учун таёрланаётган эди. Маликани турғазиб ўзларига бош қилиш учун келган Алексей Орлов, маликани ланж ҳолда, тўшакда журъатсиз ётганини кўриб- "Онахон туринг ўрнингиздан бошланг бизни улуғ ишга" дейди. Шунда ҳам, қурқувда турган Екатеринани журъатсизлигини кўриб шахд билан уни яланғоч қилиб у билан қўшилади. Буқани ҳам уриб йиқитадиган Алексей Орлов, ўша тарихий тонгда Екатерина II нинг қалбига нафақат ўзининг уруғини, балки шахд ва жасурликни ҳам қўшиб солганди. Шундан кейин Екатерина гвардиячилар формасини кийиб йўлга чиқади. Уни бутун гвардия - “Урра яшасин императорица Екатерина Алексеевна” деб олқишлар билан кутиб оладилар.
Қолгани маълум Пётр III тахтдан ағдарилади ва ўлдирилади. Айтишларича, буқадай Алексей Орлов ва гвардиячи Ф.Барятинский нимжонгига бечора подшо Пётр III кўкрагини тиззалари билан босиб ва бўғиб ўлдирган эканлар.
Тахтга чиққан Екатерина II албатта эрининг ўлдирилишидан анча таьсирланиб йиғлайди, бироқ бўлар иш бўлганди, Россия тарихида янги давр Екатерина даври Россия империясининг юксалиш даври бошланаётган эди.