17

"Уу" - та суох дьиэ. Уу суох буоларыгар киһи сууммат. Оннукка киһи киртийэр. 17 квартал-га дьиэлээх буоллаххына, киһи өйүнэн киртийэр. Аймах уруу дьонтон куоракка үлэлиир киһи ин баара буоллар, тарапачыһан туох эмэ үлэнэн дьарыгыран харчыланыам да этэ. 

Үөрэҕэ суох ыччакка наадыйбаттар, тэрилтэлэр, гос. учреждениялар. Үөрэхтээх да ыччакка наадыйбатылар тэрилтэлэр, гос.учреждениялар.

Доход суох. Ас суох. Таҥас суох. Олоххо умайар тардыһыы да суох буолар оннукка.

Контакка статустарга, биир саастыылаахтарым бары биир киһи курдук: "приватизация, эгоизм, таптал" туһунан тарҕаталлар, солуҥ оҥостоллор. "Мне похуй" - диэн санааттан саҕаланаллар үгүс "пост" - ар.

Умайбыт дьиэ. Баһаар буолбутугар дьоннор утуйа сытан үгээрдээн онтон устунан умайан өлбүт дьиэлэрэ. Бастакы этээс. Сииктээх. Дьиэ анна күөллээх.

Кыһынын тосту тымныы. Помоя биэдэрэтэ туран тоҥор. Тахсан тоҕоргор мууһун үлтү сынньан тоҕоҕун. Тоҥон салҕыы ыалдьымаары "ыксаан" электрическай оһоҕунан иттинэҕин. Дохода суох киһиэхэ, уоту сиирэ ынырыкка дылы.

Соседтар, олохтоохтор. Төрүккүттэн бу манна олорбуттар. Төрүккүттэн бу манна "арыгылыы" олорбуттар. Нуучча омуга, саха омуга онно араарыллыбат. Тулалыыр эйгэ дьиикэйэ бэрт буолан, бары биир тэҥэ сирэйдээх хаамса сылдьар буолаллар.

Итириктэр. Ибиис итирик, икки атаҕа суох киһи биир кэм подьеһы буулаабыта. Сатаан туран ииктээбэт буолан, барытын ыстааныгар ыытара онтуката эмэһэтигэр "хам" тоҥоро. Кини оннук кыһынын кыстаабыта.

Атахтаах эрэ буолан эмэһэм ыраас сылдьыбыта. Утары турар уопсай туалетка киһи сиргэнэн киирбэт дойдута. Киирии ааныттан таһыгар дылы анньан сытар саах. Оннооҕор сүөһүлэрин ити өттүгэр ордук туттугас, толерантнай - дар диэххэ сөп.

Итинник эйгэҕэ тиийиэн диэн миигин бэлэмнээбэтэхтэрэ. Элбиих - элбэх убайдаах уонна эдьиийдээх буоларым үрдүнэн, ким да сэрэппэтэҕэ. 

https://www.youtube.com/watch?v=DX2v5x3RsuI

Ийэлээх - аҕам алаастан тахсыбыт дьоннор буолан, кинилэргэ ити дьиэ "дыбарыаска" тэҥнээх буоллаҕа. Оскуолабын бүтэрбит сыл итиннэ олордо ыыппыттара.