16
يحدث في جامعة البعث📌H.I.B#قوانين_الغروب
ببساطة مجموعتنا مجموعة دراسية بحتة مانها للتعارف أو لتبادل الأحاديث الغير مفيدة....
- كل شخص أول مايفتح النت يعمل نظرة سريعة عالرسائل الحديثة بالغروب احتمال كبير يلاقي طلبو ..
- اذا ما لقيت طلبك ابعت استفسارك أو سؤالك #برسالة_وحدة 👈 #رسالة_وحدة مع السلام.
- #الغروب عملناه لنتواصل بسرعة أكبر وللأستفسارات السريعة ونبعت لبعص صور أسئلة دورات أو ملفات تلخيص ...
بس آخر فترة كتير طلاب صاروا يعتمدوا عالغروب بطلب تصوير محاضرات أو مقررات كاملة !!!!
لهك هالشي #ممنوع_بعد_هلق والمكتبات موجودة لهاد الخصوص .
- يلي ناقصو محاضرة فيه يطلبها بأوقات الإمتحان واذا كانت فوق 5 صور الشخص يلي بدو يصورها يبعت الصور عالخاص لعند يلي طلبها مشان ماينعجق الغروب بالصور .
- #ممنوع_نشر شو #المهم_بالمقررات منعًا باتًا بس مسموح الحديث عن طريقة دراسة المواد وتبادل الخبرات والمعلومات اللي بتسهل دراستهم.
-نشر توقعات ممنوع وبنحدد لاحقًا التوقعات المسموح بنشرها...
(( صار الشاطر يلي سنة أولى أو تانية بدو يتوقع للسنة التالتة والرابعة )).
- حكي خارج إطار الدراسة والجامعة ممنوع و #أحاديث_طويلة بلا لزوم كمان ممنوعة...❌✋🏻
#أي_كلام_زايد_رح_ينحذف
- أي شخص بيتعرض للازعاج أو حدا بيحكيه خاص بدون رضاه بقصد التعارف أو ليساعدو عأساس ، يحكي مع أي حدا من المشرفين ليتصرفوا .
- نشر صور ترفيهية ومضحكة #وملصقات أو روابط لمجموعات أو #الترويج لأي شي ... الخ #ممنوع ❌
- #أحاديث_جانبية_بلاها متل [[ رسائل صباح الخير ومساء الخير...الخ ]] ، لان رح تنحذف❌
- اذا بتوصلنا معلومة ع أنو أي حدا من أعضاء الغروب نشر يلي نشرناه هون بغروبات تانية تيلغرام أو فيس أو عمل سكرينات .... ، رح ينحظر لهك الكل ينتبه على هالنقطة .
" الأوفياء للغروب كتار وإلهم التحية❤️ "
#ملاحظة
بوت الحماية بالغروب مبرمج و مسؤول عن كتم وحظر الأعضاء يلي بيحولوا رسائل من قنوات تانية ورح يكون مسؤول عن مخالفة أغلب القوانين يعني وقت تنحظر لاتسأل حدا من الأدمن ليش انحظر ؟
لأن مالنا علاقة وكل شخص يلتزم بالقوانين ومابيصير عليه شي.
🔵وأهلا وسهلا فيكن موفقين❤️ 💙
#الإدارة
#المجموعة_الرسمية
#تجمع_طلاب_الأدب_العربي