Сайхунобод туманида Ажрим ёқасига келган ёш оилаларни яраштириш йўлида

Сайхунобод туманида жойлашган 8-сонли мусиқа ва санъат мактабида Ажрим ёқасига келган ёш оилалар билан учрашув бўлиб ўтди.

Ушбу учрашувда туман ҳокимлиги, тумани Ички ишлар бўлими, Психологиклар, Хотин-қизлар масалалари бўйича гуруҳ ва ҳамкор ташкилотлар иштирок этдилар

Тадбирда Сайхунобод туман ҳокими ўринбосари томонидан ўз сўзида оилани бирлаштириб турадиган бир жиҳат, асосий тамойил бор, у ҳам жамиятимизнинг бир бўлаги сифатида ҳар бир оиланинг давлатимиз ғамхўрлиги ва эътибори билан қамраб олинганидир. Оила муқаддас қўрғон, унда миллат келажаги мужассам. Ёшларни тарбиялаш, камолотга етказиш, илм-ҳунар бериш, уй-жойли қилиш-ўзбек оилаларининг азалий анъаналари бўйича гапириб ўтди.

Шундан сўнг Психологик ва Республика Маънавият ва маърифат маркази Сайхунобод туман бўлинмаси томонидан ажрим ёқасига келиб қолган ёш олилар билан оилада бўлган можароларни ўрганиб, оилани тиклаш ҳамда икки ёшни муросага келтириш бўйича ёшлар билан суҳбат олиб борилди ва керакли тавсиялар берилди.