1111

«Қуръон ва суннатдаги илмий мўъжизалар»
БАЛАНДЛИКДА КИСЛОРОДНИНГ КАМАЙИШИJune 22, 2021



Қуръони Карим оятларидан бирида

«Аллоҳ кимни ҳидоят қилмоқни ирода қилса,унинг кўксини Исломга очиб қўядир. Кимни залолатга кетказишни ирода қилса, унинг кўксини худди осмонга кўтарилаётгандек, тор ва танг қилиб қўядир», дейилади (Анъом сураси, 125-оят).

Одамлар фазога самолёт, ҳаво шари ва бошқа воситалар ёрдамида кўтарила бошлагандан сўнггина атмосферанинг юқори қатламларида кислороднинг кам бўлишини билиб олдилар. Юқорига кўтарилган сари нафас олиш қийинлашиб, кишининг юраги сиқила бошлаши ҳодисасини эндиликда ёш бола ҳам билади. Лекин бу ҳақиқат на катталар ва на алломалар англаб етмаган бир замонларда Қуръони Каримда айтилган экан-ку!

Осмонга кўтарилган одам юрагида сиқилишни, безовталикни сезишини Аллоҳ таоло Ўзининг оятида айтиб турибди.

Мазкур илмий ҳақиқатнинг тоғлари унча баланд бўлмаган, асосан пасттекисликлардан иборат бир диёрда яшаган, ўкиш-ёзишни ўрганмаган одамнинг тилидан айтилган улкан бир мўъжиза эмасми?!