Оқолтин туманида хорижий инвестициялар ҳисобига 3 та йирик лойиҳа амалга оширилиши эвазига 2500 га яқин иш ўринлари яратилишига келишиб олинди

"INDORAMA GROUP" компанияси директори жаноб Пракаш Креживал билан бўлиб ўтган музокаралар давомида 2022 йилдан бошлаб 3 та йирик инвестиция лойихаларини амалга ошириш ишларини бошлашга келишиб олинди.

Жумладан:

- қиймати 10 млн. АҚШ доллари бўлган ғаллачилик кластери лойиҳаси;

- қиймати 5 млн. АҚШ доллари бўлган замонавий буғдой тегирмони лойихаси;

- 2000 бошли йирик чорвачилик комплекси лойиҳалари амалга оширилиши натижасида 2500 га яқин янги иш ўринлари яратилиши режалаштирилган.

Музокара давомида туман ҳокими Дилмурод Фазилов мазкур лойиҳалар амалга оширирилиши натижасида туманда ишсизлик сони камайиб, аҳолининг турмуш тарзи яхшиланишига ва бу ўз навбатида иқтисодиётнинг ўсишига олиб келишини таъкидлаб, туман ҳокимлиги томонидан барча амалий ёрдамлар кўрсатилишини айтиб ўтди.