Қизиқарли география. Марказий Осиё давлатларини бошқа давлат ҳудудлари билан таққослаганда
Марказий Осиёнинг умумий майдони - 4 млн кв километр. Бу дегани Ҳиндистондан бир оз катта, Австралия майдонига нисбатан кичик.
Ўзбекистон
Мамлакатимиз ҳудуди - 447 минг 400 кв. км. Финландиядан (338 минг 178 кв. км) катта, лекин Таиландан (514 минг кв. км) кичик.
Бу ерга иккита Буюк Британия, бешта Австрия ёки ўн учта Молдавия сиғиши мумкин.
Қозоғистон
Майдони - 2 млн 724 минг 902 кв. км. Жазоир майдонидан (2 млн 381 минг 740 кв. км) бир неча бор катта, лекин Аргентина ҳудудидан (2 млн 780 минг 400 кв. км) кичик.
Қозоғистон майдони жиҳатидан дунёда саккизинчи ўринда. Унга учта Туркия, бешта Франция ёки ўн саккизта Бангладеш майдони тўғри келади.
Туркманистон
Майдони катталиги бўйича Марказий Осиёда иккинчи давлат - 488 минг 100 кв. км. Швециядан катта (449 минг 961 кв. км), лекин Испаниядан — 561 минг. 782 кв. км. кичик
Туркманистон ҳудудига иккита Беларус, еттита Ирландия ёки йигирма тўртта Словения тўғри келади.
Қирғизистон
Қирғизистон ҳудудда майдони бўйича тўртинчи ўринда туради - 198 минг 500 кв. км. Бу Бангладеш майдонидан катта (144 минг 500 кв. км), лекин Беларусдан кичик (207 минг 600 кв. км).
Қирғизистон майдонига иккита Венгрия, тўртта Литва ёки олтита Исроил тўғри келади.
Тожикистон
Ҳудуддаги энг кичик давлат - 143 минг 100 кв. км. Майдонининг 93% тоғлардан иборат. Тожикистон Исландиядан (103 минг 125 кв. км) катта, лекин Тунисдан кичик (163 минг 610 кв. км).
Тожикистон ҳудудига иккита Коста-Рика, бешта Арманистон ёки ўн бешта Кипр тўғри келади.