051
ပြည်တွင်းခုခံစစ်အားကောင်းနေချိန်တွင် အိန္ဒိယက
ပလက်ဝ-ဇိုရမ်ပူရ်လမ်းဖောက်လုပ်ရန် တင်ဒါခေါ်ယူနေ
🟣 Z Fighter June 21 🟣
မြန်မာနိုင်ငံတွင် အာဏာသိမ်းစစ်ကောင်စီကိုလူထုခုခံတော်လှန်စစ်အားကောင်းနေချိန်တွင်အိန္ဒိယနိုင်ငံကချင်းပြည်
နယ်၊ပလက်ဝမှအိန္ဒိယနိုင်ငံသို့ဆက်သွယ်မည့်ပလက်ဝ-ဇိုရမ်ပူရ်လမ်းပိုင်းကိုအပူတပြင်းဖောက်လုပ်ရန်စီစဥ်နေသည်။
ထိုလမ်းပိုင်းအတွက် မြန်မာပြည်တွင်းနှင့် အိန္ဒိယမှ စီးပွား
ရေးလုပ်ငန်းရှင်များကို တင်ဒါဖိတ်ခေါ်ကြောင်း အိန္ဒိယအစိုးရပိုင် ကုမ္ပဏီIRCON International Ltd. က ဇွန် ၂၀ ရက် စစ်ကောင်စီဝါဒဖြန့် သတင်းစာများတွင်ကြော်ညာထားသည်။
ထိုစီမံကိန်းသည် အိန္ဒိယနိုင်ငံ၊ မီဇိုရမ်ပြည်နယ်၊ ဇီုရမ်ပူရ် မှ ချင်းပြည်နယ် ပလက်ဝအထိ ကီလိုမီတာ ၁၂၉ ရှည်လျားသည့် အဝေးပြေးလမ်းနှင့် ပလက်ဝမှ စစ်တွေအထိ ကီလိုမီတာ ၁၅၈ ရှည်လျားသည် ကုလားတန်မြစ်ကြောင်းတို့ကို အသုံးပြုပြီး ကုန်သွယ်ရေးလမ်းကြောင်း ဖောက်လုပ်ရန်ဖြစ်သည်။ပလက်ဝ-ဇိုရမ်ပူရ်လမ်းပိုင်း၏သုညကီလိုမီတာမှ ၁၀၉ ကီလိုမီတာအထိ နှစ်လမ်းသွား အဖြစ်ဆောင်ရွက်မည်ဖြစ်ပြီးထိုလမ်းပိုင်း၏ ၁၀ကီလိုမီတာကိုအပိုင်း၁အဖြစ်စတင်ဆောင်ရွက်မည်ဟုအိန္ဒိယကုမ္ပဏီကဆိုသည်။
ထိုလမ်းပိုင်း တည်ဆောက်ရေးအတွက် ကုန်ကစရိတ်မှာ အိန္ဒိယရူးပီး ၁၉ ဘီလီယံနှင့်ဒီဇိုင်းအတွက် ရူပီး ၁ ဒဿမ ၆ ဘီလီယံ( ဒေါ်လာသန်း၂၀)သုံးဆွဲမည်ဟုကုမ္ပဏီကထုတ်ပြန်သည်။
စီမံကိန်းကို စိတ်ဝင်စားသည့် လုပ်ငန်းရှင်များအား ဇွန် ၂၁ ရက် (ယနေ့)မှစတင်ပြီး တင်ဒါပုံစံများရောင်းချမည်ဖြစ်ပြီး ဇူလိုင် ၄ ရက် နောက်ဆုံးတင်ဒါသွင်းရမည်ဟု ကြော်ညာထားသည်။
"ဒီလိုကာလမှ လမ်းဖောက်တဲ့လုပ်ငန်းသစ်တွေ လုပ်မယ်ဆိုတာ အရမ်းကိုစွန့်စားလွန်းတဲ့လုပ်ရပ်ပါ။ စစ်ကောင်စီတပ်က ကုမ္ပဏီဝန်ထမ်းတွေကို လုံခြုံရေး ပေးနိုင်မယ် မထင်ဘူး။ အရင်က ဒီဒေသမှာ AAတခုဖွဲ့တည်းနဲ့တောင် အဆင်မပြေခဲ့တာ အခု ချင်းလက်နက်ကိုင်တွေတပ်ဖွဲ့တွေတောင် ထပ်ပေါ်နေပြီ။ ဒီလိုအချိန်မှာ စီမံကိန်းအကောင်အထည်ဖော်မယ်ဆိုတာ မြန်မာနိုင်ငံရေးအခြေအနေကို အိန္ဒိယက နားမလည်တာ ဖြစ်နိုင်သလို၊ အိန္ဒိယ အရှေ့မြောက်ပိုင်းပြည်နယ်တွေ လုံခြုံရေးအတွက် မြန်မာနိုင်ငံက အရေးပါတာကို အိန္ဒိယအစိုးရရဲ့ စိုးရိမ်လာလို့လဲဖြစ်မယ်"ဟု ရင်းနှီးမြှပ်နှံမှုဆိုင်ရာအကြံပေးကုမ္ပဏီတခုမှမန်းနေးဂျင်းဒါရိုက်တာတစ်ဦးကပြောသည်။
ပလက်ဝအပါအဝင်ချင်းပြည်နယ်သည် အာဏာသိမ်းစစ်ကောင်စီကို ခုခံတွန်းလှန်စစ်ဆင်နွှဲနေသော အားအကောင်းဆုံးဒေသများထဲမှတစ်ခုဖြစ်သည်။
Ircon International or Indian Railway
Construction Limited (IRCON)သည် အိန္ဒိယအစိုးရ
၏ မီးရထားဝန်ကြီးဌာနပိုင် ကုမ္ပဏီတစ်ခုပြီး ၁၉၇၆ခုနှစ်တွင်ထူထောင်ခဲ့ခြင်းဖြစ်သည်။
မြန်မာနိုင်ငံတွင် စစ်တပ်အာဏာသိမ်းပြီးနောက်အိန္ဒိယနိုင်ငံက နိုင်ငံခြားရေးအတွင်းဝန်သည် အာဏာသိမ်းစစ်ခေါင်း
ဆောင်ထံလာရောက်တွေ့ဆုံခဲ့ပြီး ထိုစီမံကိန်း အလျှင်အမြန် အကောင်အထည်ဖော်ရန် သဘောတူခဲ့ခြင်းဖြစ်သည်။
အိန္ဒိယနိုင်ငံ၏ အရှေ့မြောက် ပြည်နယ်များပင်လယ်ထွက်
ပေါက်ရရှိရေးအတွက် ကုလားတန်စီမံကိန်းကိုဒေါ်လာသန်း ၅၀၀ အသုံးပြီး အကောင်အထည်ဖော်ရန်အိန္ဒိယ-မြန်မာ
နှစ်နိုင်ငံ သဘောတူခဲ့ခြင်းဖြစ်သည်။ ထိုစီမံကိန်းကို အိန္ဒိယဘက်မှ ၂၀၀၂ခုနှစ်ကတည်းက စတင်ခဲ့သော်လည်း နှစ်နိုင်ငံ သဘောတူညီမှုကို ၂၀၀၈ခုနှစ်မှ ဆောင်ရွက်နိုင်ခဲ့သည်။ စစ်တပ်အာဏာသိမ်းပြီးနောက်နိုင်ငံလုပ်ငန်းရှင်များကိုရင်း
နှီးမြှပ်နှံမှုလုပ်ငန်းများ ခေတ္တရပ်ဆိုင်းရန်နှင့် တရားမဝင်သောစစ်ကောင်စီဖြင့် လက်တွဲမဆောင်ရွက်ရန် လူထုကတောင်းဆိုထားသည်။
နိုင်ငံတော်အာဏာကို စစ်တပ်က အဓမ္မယူပြီးနောက် နိုင်ငံတွင်း ရင်းနှီးမြှပ်နှံမှူလုပ်ငန်းအသစ်များကိုရပ်ဆိုင်းရန်နှင့်စစ်ကောင်စီမှခွင့်ပြုသော ရင်းနှီးမြှပ်နှံမှုလုပ်ငန်းများသည် တရားမဝင်ကြောင်း အမျိုးသားညီညွတ်ရေးအစိုးရအဖွဲ့က ယမန်နှစ်ကတည်းက ထုတ်ပြန်ထားသည်။[People's Spring][Z-F]
#Adm_12
#z_fighter