Оқолтин туманида 2020 йил ҳосили учун етиштирилган пахта ҳомашёсини йиғиб-териб олиш мавсумининг рамзий бошланиши ҳисобланган «Ҳосил карвони» тадбири бўлиб ўтди.
https://t.me/oqoltin_yangiliklariПахта тозалаш корхонасига йиғилган хожи боболар, меҳнат фахрийлари ва фермер хўжалик раҳбарлари очилиш маросимида иштирок этди. Маросимдан сўнг йиғилганларга рамзий «Ҳосил карвони» намойиш этилди.
Тадбирда туман ҳокими Д.Фазилов сўзга чиқиб, пахтакор деҳқонларини ўз пешона терлари, бир қанча агротехник тадбирларни ўз вақтида ва сифатли бажариб, маррага, яъни ҳосилни йиғиб олишдек масъулиятли мавсумга етиб келганликлари билан табриклаб, куч-ғайратларини сўндирмасдан бор кучни пахта ҳосилини нес-нобуд қилмай йиғиб-териб олишга сафарбар қилишларини таъкидлади.
Оқолтин тумани ҳокимлиги Ахборот хизмати