Билмай туриб тухмат килган гунохкор, билиб туриб тухмат килган одам кофир булар экан. Узингиз хулоса чикаринг.

Купчилик хамшахарларимиз, айникса автомобиль хайдовчилари Панжоб майдонидан утаётганларида, якиндагина шу ерга светофор куйилганини пайкашган булишса керак, аммо шу светофордан сал олдинрокда, яъни "Панжоб" кабристони эшиклари билан шу ердаги кондитер магазини уртасидаги йул четидан турган "Никсия 3" русумли машина ичидаги икки кишининг светофорнинг кизил чирокларига риоя килмаётган автомашиналарни расмга олишаётганини сезишмаган булсалар керак. Биз хам буни сезмаган эдик, токи бу хакдаги булиб утган вокеалар тафсилоти кулогимизга чалинмаганича... . Панжоб майдонидан утаётган ва шу атрофда яшайдиган ва ишлайдиган купчилик биродарларимиз, шу ердаги мадраса биносида фаолият курсатаётган туристик фирма борлигини ва шу фирмага махалладошимиз Жамшид Ниёзов рахбарлик килишини хам билишади. Куйидаги кискагина видео лавхада унинг уз расм аппарати билан каерларнидир расмга олаётганлиги акс этган. Бу хакда унинг узидан сурадик:

- Жамшид, ушбу тасвирлардаги сизми?

-Ха

- Нимани расмга олаётган эдингиз?

- Якинда Япония ва Хитой буйлаб хизмат сафарида булганимда туристик максадлар учун фотоаппарат сотиб олгандим, шуни фокусини созлаш учун тажриба сифатида хар хил ракурсда, яъни узок ва якин масофоаларда расмга олаётгандим.

- Эшитишимизча сиз светофорнинг кизил чирокларида тухтамай утган автомашиналарни суратга олиб, бу суратларни йул назорати идораларига хар бири учун 10000 сум мукофот эвазига топшираётган экансиз?

- Мутлако булмагур гап! Балки суратларга шунака холатлар тушиб колгандир, лекин мен хеч качон бунака иш килмаганман, бу нарсаларга менда вакт хам хохиш хам йук.

- Аммо сизга шу масала буйича мурожаат килишган экан...?

- Тугри, аммо бу мурожаат деса нотугри булади, аникроги жанжал килиб келишди десам тугри буларди. Утган куни, бир ёш йигитча, чамаси 20 ёшларда, узини машина олиб сотувчилардан деб таништирди ("Истиклол" ошхонасидаги Акрам ва Фуркатларнинг жияниман деди) ва гуёки мен унинг светофорнинг кизил чирогида тухтамай утганини расмга олиб ГАИ ходимларига 10000 сум эвазига топширган эканман ва натижада ГАИ ходимлари унинг уйига келиб (!), касал онасини безовта килишибди, хамда 2,5 миллион сумга жарима солишибди.

- Хакикатда бу шундай булганми?

- Йук, боя айтганимдек.

- Сизга бирор исбот-далил келтиришдими?

- Йук! Кимнингдир телефонига туширилган, хозирги илова килинган тасвирни курсатишди холос. Даъво килган йигитчанинг айтишича, шунинг узи мени айблашга етарли экан. Унинг айтишича, узи намозхон экан ва оллохнинг менга шу килган ишим учун жазоси мукаррар экан. Менинг "тухмат учун хам жазо бормикан" деган саволимни эшитмаганга олди.

- Сиз шу ишни килмаганлигингизни исботлай оласизми?

- Аввало, менинг шу ишни килганлигимни эътироф этаётганларнинг вазифаси шу нарсани исботлашдир, менинг виждоним оллох олдида тоза.

- Энди масаланинг иккинчи томонига утсак, сизнинг фикрингизча автомашина хайдовчилари Панжоб чоррахасида светофор чирокларига парво килмай утаётган холатлари хакикатда мавжуд фактми?

- Афсуски шундай. Якинда менинг куз унгимда "Дамас" автомашинаси светофорнинг кизил чироги ёниб турганлигига карамай утиб кетаётиб, пиёдалар йулагини кесиб утаётган укувчи болани туртиб юборди ва бахтимизга бола урнидан туриб куркканидан кочиб кетди. Машина хайдовчиси эса машинасининг олд кисмини куздан кечириб, яхшиям хеч каери пачок булмабди деб йулида давом этди. Шу уринда айтмокчиманки, хурматли автомобил хайдовчиларимиз мана шундай холатларда уз автомашиналарини эхтиётлик билан бошкарсалар ва йул белгилари ва курсаткичларига амал килсалар нохуш ходисаларнинг олди олинган буларди.

Бу сухбатимиздан хеч канча вакт утмай, хар хил телеграмм каналларда, хакикатда хам ушбу расмларга олиш ишларига Жамшиднинг хеч кандай алокаси йуклигини исботловчи тасвирлар пайдо булди ва оллохнинг иродаси билан хакикат баркарор эканлиги эътироф килинди. Энди халиги "намозхон" йигитнинг нима деб уйлаши ва шошма-шошарлиги билан килган иши узининг виждонига хавола.

Хурматли хашахарлар, шу уринда шу вокеадан келиб чикадиган айрим мулохазаларимизни сизга баён килмокчимиз:

1. Аввало йул коидаларини бузмасликка одатланишимиз керак, кучага чиккан одамнинг уйида касал онаси, отаси, ака-укаси, фарзандлари ва якинлари унинг сог-саломат уйга келишини кутиб утиришади ва кимнингдир светофор чирогига эътиборсиз утиши, ёки карама-карши йулга чикиб машина хайдаши окибатида кимларнингдир хаётига, умри-жонига жабр булиши мумкин.

2. "Бошингга не бало келса, бировданмас - узингдан кур" деб бехудага айтишмайди, уйида касал онаси борлигини унутмабди, намоз укишни канда килмабди-ю, нега конунларни бузиш, бировга тухмат килиш мумкин эмаслигини англамабди?

3. Айтгандек, ГАИнинг жарима солиш услублари узгарганидан хабардормисиз? Жарима солиш учун курук расмлар кифоя эмас - далолатнома, баённома, расмни олган шахснинг ва олинган вактини тасдикловчи курсаткичлар булиши керак ва энг асосийси - хеч качон ГАИ инспекторлари уйингизга келиб сиздан пул жаримаси олишмайди, сизга почта оркали такдимнома келади ва жарима банк оркали туланади.

Виждон поклиги олижаноб инсоннинг одил ҳақиқатидир. Ақлли пок ахлоқ – одобли бўлмай туриб, кўнгилдагидек яшаб бўлмайди.

Ушбу гапларни ёзиб, бир нечта каналларга таркатганимиздан сунг, яна бир бор даъвогар булмиш "намозхон" йигит Бекзод билан учрашдик ва хали хам узининг фикридамиканми деб сурадик. Бундан бир неча соат олдин, Панжоб мадрасасида фаолият курсатаётган йигитлардан бири унга узида бор булган видеолавхаларни курсатиб Жамшиднинг бу ишга алокаси йуклигини тушунтириб берган экан, аммо Бекзод уз фикрида колганини билдирди. Бизга маълум булишича Бекзоднинг уйига гуёки ГАИ ходимлари келиб, хайдовчилик гувохномасини олиб куйишибди экан. Кечагина 2,5 миллион сум жарима туладим деган йигит, бугун жариманинг микдори 10 оклад экан, энди 2.2 миллион тулайман (маълумот учун 10 оклад 2 миллион 20 минг сум булади), хали туламадим деб, кеча ёлгон гапирганини фош килиб куйди. Бундан ташкари, кайси ГАИ инспектори протокол килганини айта олмади ва хатто инспектор жетони ракамини хам билмас экан. Бу гаплардан кейин, биз бу вокеанинг умуман содир булганига хам ишонмай колдик. Кел биргаликда шу ишнинг охирига етайлик ва масалага тулик ойдинлик киритайлик деган таклифимиздан довдираб колди ва "менга бу керак эмас, нима киламан ГАИ инспекторининг кузига ёмон куриниб" деб гапни олиб кочди. Биз унга яна расмлар масаласида савол берганимизда шундай жавоб килди - "куча четида фотоаппарат билан суратга олаётган одамни курдим ва бир нечта машина хайдовчиларининг ГАИга тушганининг сабаби шу одам булиши керак деб хисобладим". Биз унга Жамшиднинг суратга олаётган нуктасидан светофорнинг кизил чирокларида утаётган машиналарни кайд этиш мумкин эмаслигини исбот килганимиздан кейин бироз уйлаб колди, аммо афсуски айрим инсонлар аввал гапириб булиб кейин тугри гапирган ёки йуклигини уйлаб колишади ва кейин хато гапириб куйганларини тан олишмайди. Агар аксинча булиб аввал уйлаб кейин суйласалар бунака нохуш холатлар булмас эди. Буюк файласуф Абеляр шундай деган эди - "Ёлғон гапириш бошқа, гапда адашиш ва қасддан эмас, адашиш оқибатида ҳақиқатдан чекиниш бошқа гап".

Минг бора афсуслар булсинки, яна бир буюк файласуф Жан Жак Руссо айтганидек - "Фисқу фасод жуда қулай нарса: бир сўз билан ҳамла қилинадию, ҳимоя учун эса қанча-қанча сиҳифалар керак".

Шайх Муҳаммад Содиқ Муҳаммад Юсуф роҳимаҳуллоҳнинг айтишларича билмай туриб тухмат килган гунохкор, билиб туриб тухмат килган одам кофир булар экан. Узингиз хулоса чикаринг.

Журналист Ваткий.

 27-11-2018 йил