𝕁𝕚𝕫ℙ𝕀 𝕄𝕒𝕥𝕓𝕦𝕠𝕥 𝕩𝕚𝕫𝕞𝕒𝕥𝕚

Jizzax politexnika instituti 2-o’quv binosi katta majlislar zalida Energetika va radioelektronika fakulteti tomonidan O‘zbekiston Respublikasi Prezidenti Sh.Mirziyoyev rahbarligidagi 2022-yil 4-mart kuni o‘tkazilgan videoselektor yig’ilishining 19-son bayoni 5-bandi va “Oliy ta’lim muassasalari talabalari bandligini ta’minlash chora-tadbirlari bo‘yicha Yo‘l xaritasi”ning 7-bandi ijrosi bo‘yicha, talabalar turar joylarida, ta’lim muassasasida madaniy va ma’rifiy tadbirlar, sport musobaqalari, tanlov, loyihalar, mushoiralarni tashkil etish bo’yicha 2022-yilga mo‘ljallangan yo‘l xaritasining bandlari ijrosi yuzasidan “Ikki avlod uchrashuvi” mavzusida davra suhbati tashkil etildi.

So‘zga Yoshlar masalalari bo‘yicha dekan muovini B.Mamatkulov chiqib, bugungi tadbir “Ikki avlod uchrashuvi” mavzusida boʻlib, bunda soha vakillari hamda talaba-yoshlar ishtirokida uchrashuv tashkil etilganligini taʼkidlab, tadbirni ochib berish uchun so‘zni fakultet dekani U.Yarlakabovga berdi.

Fakultet dekani U.Yarlakabov bugungi tadbir bilan yig’ilganlarni tabriklab, tadbirda ishtirok etayotgan ishtirokchilarni tanishtirib o’tdi. Tadbirda mehmon sifatida ishtirok etayotganlar: Jizzax viloyat elektr ta’minoti korxonasida uzoq yillar davomida samarali mehnat qilgan I.Muradullayev, Energetika kafedrasi o‘qituvchisi B.Kulanov, institutning Ma’naviyat va ma’rifat bo‘limi boshlig‘i M.Xolbekova, dekan muovinlari, fakultetning barcha kafedra mudirlari, tyutorlar va talaba-yoshlar ishtirok etishayotganligini taʼkidlab o’tdi va so’zni Jizzax viloyat elektr ta’minoti korxonasi xodimi I.Muradullayevga berdi. 

I.Muradullayev so’zga chiqib, yig’ilganlarga o’zini tanishtirib, uzoq yillar davomida viloyat elektr ta’minoti korxonasida faoliyat ko’rsatganligini taʼkidlab o’tdi. Bugungi kunda elektr ta’minotidagi muammolar, erishilgan yutuqlar, qilinayotgan ishlar hamda soha faoliyati to’g’risida yig’ilganlarga atroflicha ma’lumot berdi. 

Uchrashuv davomida so‘z olganlar bugungi kunda yurtboshimiz tomonidan yoshlarga berilayotgan e’tibor haqida gapirib o‘tar ekan, talaba-yoshlarning bandligini ta’minlash kun tartibidagi masalalardan biri ekanligini ta’kidladilar. Uchrashuv davomida talabalar o‘z fikr mulohazalarini bildirishib, o'zlarini qiziqtirgan savollariga atroflicha javoblar olishdi.