...

Юқори ҳосил олиш илинжида аксарият деҳқонлар кўп ўйланмасдан, илк боқишда ҳосилдорликни ошириши мумкин бўлган барча ўғитлар билан ўз экинларини ўғитлашади. Масалан, экинларни мол шалтоғи билан суғориб, устидан эса кул сепишади, бу икки ўғит биргаликда қанақа реакция бериши мумкинлигини ва қандай зарар бериши мумкинлигини ўйлаб кўрмасдан.

Барча ўғитлар биргаликда қўлланишга ўзаро мос эмасдир. Биргаликда қўлланиш натижасида улар бир бирини самарадорлигини тушириши мумкинлиги – энг кичик муаммодир. Энг ёмони, ўзаро мос бўлмаган ўғитларнинг қўлланилиши ерга, ўсимликларга ва ҳосилга салбий таъсир кўрсатиши мумкинлигидир.

Қайси ўғитларни биргаликда қўлланиб бўлмайди ва нима учун?

Энг кенг тарқалган ўғитлар ўрнагида, қайси ўғитларни биргаликда солмаслик кераклиги ва бунинг сабабларини тушунтиришга ҳаракат қилиб кўрамиз.

Суперфосфат

Суперфосфатни, ерни нордонлигини камайтириш тадбирларидан кейин дарров солиб бўлмайди. Идеал шароитда ерни нордонлигини камайтириш тадбирларидан бир ой ўтиб, ундан сўнг ушбу минерал ўғитни солиш мумкин ерга. Йўқса, суперфосфат ўзининг фойдали хусусиятларини йўқотади. Чунки ишқорли ўғитлар билан ўзаро таъсирида фосфорнинг ўзлаштирилиши ёмонлашади. Бундан ташқари, уни аммиакли селитра ва мочевина билан аралаштирмаслик керак, чунки бу шароитда азот кислотаси учиб кетади.

Кул

Кулни суперфосфат ва азотли ўғитлар билан аралаштирмаган маъқул. Хоҳ минерал ўғитлар, хоҳ органик (мол гўнги, товуқ ахлати) бўлсин. Бундан ташқари, кулни оҳак билан биргаликда солиш тавсия этилмайди. Сабаби, иккала бирикма ҳам ерни нордонлигини камайтиради. Бир вақтда кул ва оҳакни солиниши бирданига ер таркибини ўзгартириб юбориши мумкин.

Мол гўнги, товуқ ахлати

Юқорида айтилганидек, бу органик ўғитларни кул ва оҳак билан қўлланмаган яхши. Бу ўғитлар бир бирини таъсир кучини кесади. Ва албатта, гўнгни ерга сульфат аммоний ва аммиакли селитра каби азотли минерал ўғитлар билан биргаликда солмаган яхши. Гўнг масаласида яна бир муҳим нарса: янги, чиримаган гўнгни ишлатиш керак эмас. У экинларни илдиз тизимини куйдириши, ерни нордонлаштириши ҳамда зараркунандаларни жалб қилиши мумкин.

Калийли минерал ўғитлар

Калий тузи ва хлорли калий деярли барча ўғитлар билан қўлланишга мос келади. Фақат, агар бу ўғитларни қўлланган ҳолда комплекс озиқалар тайёрланадиган бўлса, тайёрланган аралашмани дарров қўлланган яхши. Тайёр суюқ бирикмаларни сақланишида уларнинг хусусиятлари ўзгариши мумкин.

Мочевина

Бу ўғит бошқа ўғитлар билан ўзаро мосдир ва биргаликда қўлланишга оид ҳеч қандай хусусий чекловлар йўқ.

Янада кўргазмали шаклда ўғитларнинг бир бири билан ўзаро мослигига оид маълумотларни бериш учун қуйидаги жадвални келтирамиз:

Ўғитларнинг ўзаро мослиги жадвали

@AGROBLOGER канали

 sadoezh.ru

dehqon.uz