*/

የቤኒሻንጉል ጉምዝ ምክር ቤት አባላት በዛሬው አስቸኳይ ጉባኤ ላይ ያነሷቸው ነጥቦች

• በቤኒሻንጉል ጉሙዝ ክልል መተከል ዞን በተጀመረው የህግ የበላይነትን ማስከበር ሥራ አጥፊዎችን አሳልፈን እንሰጣለን፣

• ለሰላም መስፈን አስፈላጊውን መስዋዕትነት እንከፍላለን፣

• የመተከልን ግጭት ለመፍታት ከተቋቋመው ኮማንድ ፖስት አባላት ውስጥ አንዳንዶቹ ሃላፊነታቸውን አልተወጡም፣

• የመተከል ጉዳይ ገና ብዙ አመራሮችን ይነካል፤ የህዝብ ጉዳት ሊያመን ይገባል፣

• ካማሽ እና አሶሳ ዞን የተፈጠረውን ችግር በመገምገም በቀላሉ መፍታት ችለናል ነገር ግን የመተከል ችግር ላይ የክልሉ ከፍተኛ አመራሮች ከድምጸ ወያኔ ቴሌቪዥን ጋር ሲሰሩ ስለነበረ ሳይፈታ ቆይቷል፣

• በመተከል ጥቃት በአከባቢው የሚኖር ሁሉም ብሔር ተጎድቷል፣

• ችግሩን ለመፍታት በብሄራችን ተከልለን መከራከር ሳይሆን እንደአገር በማሰብ ልንሠራ ይገባል፣

• ዛሬ ያለመከሰስ መብታቸው የተነሳባቸው የምክር ቤቱ አባላት ጉዳይ ቀደም ሲል በተደጋሚ መፍትሔ እንዲሰጠው ጠይቀናል፤ ችግሩ ሰሚ በማጣት ጠይቋል፣

• የመተከልን ጥቃት በማስቆም ህዝብ እና አገርን ከአጥፊዎች ለማዳን የጋራ ርብርብ ያስፈልገናል፣

• በክልሉ ምክር ቤት የጁንታውን ሴራ የሚያራምዱ አባላት አሉ፣

• በዞኑ የጸጥታ ሀይሉን ሥራ ውጤታማ ለማድረግ ሌሎች ቀሪ የግጭቱ ተሳታፊ የምክር ቤት አባላትም ካሉ እየፈተሽን ለህግ ካላቀረብን የመተከልን ችግር መፍታት ያዳግተናል፣

• በአካባቢው በዋነኝነት እየሞቱ ያሉት ሴቶች እና ህጻናት ናቸው፣

• ህግ የማስከበር ስራን እንደምክር ቤት አባል ማስቀጠል የግድ ነው፣

• የህብረ-ብሄራዊነት ተምሳሌት በሆነው ቤኒሻንጉል ጉሙዝ በጥቂቶች ጥፋት በመተከል ከማይካድራው ያልተናነሰ ግድያ ተፈጽሟል፣

• እንደህዝብ ተወካይ ከማህበራዊ ሚዲያ ከምናገኘው መረጃ ባሻገር ስለመረጠን ህዝብ በቂ እውቀት ሊኖረን ይገባል፣

• ችግሩ ለክልላችንም ሆነ አገራችንን የሚያሳፍር ጉዳይ በመሆኑ ከጁንታው ጋር አብሮ እንዲቀበር መስራት አለብን፣

• የጸጥታውን ዘርፍ በተደጋጋሚ ገምግመን ችግሩን ብንደርስበትም ተሸፋፍኖ አልፏል፣

• የችግሩ ምንጭ አመራሩ በጉዳዩ መሳተፉ ነው፣

• ህብረተሰቡ በየቦታው ግጭት ሳይከሰት አስቀድሞ ሲጮህ ነበር፣

• ህዝባችንን የምንታደገው በችግሩ የተሳተፉትን የምክር ቤት አባላትን ጭምር አሳልፈን በመስጠት ቆራጥ እርምጃ በመውሰድ ብቻ ነው፣

• በህግ ማስከበር ስራው አንደራደርም፣

• የተጀመረው የህግ የበላይነት ማስከበር ሥራ ተጠናክሮ አጥፊዎችን አሳልፈን እንሰጣለን እንዲሁምአስፈላጊውን መስዋዕትነት እንከፍላለን፣

• ምክር ቤቱ በመተከል ጉዳይ አስቸኳይ ጉባኤ መጥራት ከነበረበት ጊዜ ዘግይቷል፣

• በአስቸኳይ ጉባኤው ያልተገኙ በርካታ የምክር ቤት አባላት አሉ፣

• የመተከል ጉዳይ አሳፋሪ ነው፤ ተጨማሪ ሞት እና መፈናቀል እንዳይከሰት እና ከታሪክ ተወቃሽነት መውጣት አለብን” የሚሉ አንኳር ነጥቦች ተነስተዋል።
ENA