..

​​⚡️ СИРДАРЁ: ЎЗ УЙИДА ШАРОИТ ЯРАТИБ БЕРГАН ҚЎШТИРНОҚ ИЧИДАГИ ШАХС ФОШ ЭТИЛДИ

2020 йил 22 июль куни эди. И.З соат тахминан 17:00 да яшаш уйида ўтирган вақтида унга олдиндан нотаниш бўлган, кейин билишича С. исмли ёш йигит келди. Салом-аликдан сўнг кутилмаган меҳмон ташрифининг ғалати сабаби маълум бўлди.

"Шаҳардан бир қиз олиб келмоқчиман, у билан ҳалигидай яқин алоқада бўлмоқчиман. Бизга уйингиздан шароит яратиб берсангиз, сизга 50 000 сўм пул бераман", — деди йигитча дангал. Пулни эшитган ва кейинги кунларда моддий томондан қийналиб турган мезбон дарров рози бўлди-ю қўйди ва С.нинг "ҳозирча" дея узатган 30 минг сўм пулини чўнтагига урди. 

Йигит “Қизни кечроқ олиб келаман” дея уйидан чиқиб кетди. Очиғи, ўша пайтда И. оғанинг томоғи тақиллаб турганди, шунинг учун у 20 000 сўмига қайнсинглиси М. орқали маҳаллада жойлашган озиқ-овқат дўконидан 2 дона сиғими 1,5 литрлик елим идишда бўлган “Qibray” пиво ичимлиги олиб келтирди ва ўзи майда-майда ичиб тугатди. 

Шу куни соат тахминан 21:45 да С.Э ростдан ҳам Ҳ. исмли бир қизни бошлаб келди. Бироз сархуш бўлиб олган И. оға дарров алоҳида хона ажратиб бергач, "ошиқ-маъшуқ"лар ичкарига кириб кетишди. 

Орадан ўн беш дақиқача вақт ўтди. Тўсатдан ташқаридан уйга бир неча нотаниш кишилар кириб келишди, улар ўзларини ҳуқуқни муҳофаза қилиш идора ходимлари деб таништиришди ва мезбон розилиги билан холислар иштирокида уйни кўздан кечириб чиқишди. Алоҳида хонадаги С. ва Ҳ.ларни кўриб, ИИБ ходимлари улардан нима мақсадда бу ерга келганликларини сўрашди. Ҳеч нарсани яширишнинг иложи йўқ эди, айб тан олинди. Ҳатто берилган 30 000 сўм пул ҳам қайд этилди. И. оға берилган пулнинг 20 минггини "ичиб" қўйганлигини айтиб, қолган 10 минг сўмни чўнтагидан чиқарди...

Шу тариқа навбатдаги "қўшмачилик" жинояти фош этилди. Бир-бирига номаҳрам бўлган С.Э. ва Ҳ.М.лар ҳақида нимаям дердик, уларнинг фаҳш ботқоғига ботганликларини қоралаймиз, албатта. 

М.САФАРОВ,

Жиноят ишлари бўйича Гулистон туман судининг раиси

@GULISTONUZ24 👈🏻