🌸🌸🌸
✍️ Habibiy 🎓
🕋🕋🕋
👇👇👇
✨✨✨✨✨
https://t.me/joinchat/AAAAAFOPpTn5j29ITHYYFg
✨✨✨✨✨
АНА СИЗГА ҚЎШ ХОТИН.
(фитнали мунозарага
айланмасин, xазил шеър).
Менда икки аёл бор,
Иккиси xам меxрибон.
Бири менга чой берса,
Бири менга берар нон.
Бири мени қизғонар,
Бири куйиб рашк қилар.
Бири билдирмай кулса,
Бири кўзда ашк қилар.
Бири кўйлагим ювса,
Бири дазмоллаб қўяр.
Бири кўк чой дамласа,
Бири қовунни сўяр.
Бири қанисиз дея,
Ошга таклиф қилади.
Бири кўнглим овлай деб,
Зир югуриб елади.
Икки тараф икки xил,
Азиз қилиб пуф-пуфлар.
"Мунча xам келишгансиз,
Кўз тегмасин"-деб туфлар.
Ёзги сарой, қишги ҳам,
Xар иккиси интизор.
Бирисида райxонлар,
Бириси атиргулзор.
Шундай қилиб қадрдон,
Жуда арзандаман-да.
Қўл кўксида, эxтиром,
Суюкли бандаман-да.
Э, айтганча нимани,
Куйган xиди келяпти.
Xax, эсим ҳам қурсин-е,
Ошнинг таги оляпти.
Қўяверинг кирларни,
Кейин ювиб қўяман.
Икки кундош келгунча,
Барига улгураман...
Салим Айюбий.
🌸🌸🌸
✍️ Habibiy 🎓
🕋🕋🕋
👇👇👇
✨✨✨✨✨
https://t.me/joinchat/AAAAAFOPpTn5j29ITHYYFg
✨✨✨✨✨