...

Ишчи эритма учун сув тоза ва чўкмалардан холи бўлиши лозим. Майда қум ва бошқа зарралар форсункаларга тиқилиб қолиши мумкин. Стресс ҳолатидаги ўсимликлар гербицидларни самарали сингдира олмайди. Гербицидларни ўсимликларнинг фаол ўсиш даврида пурканг. Ўсимликларга гербицидни эрта тонгда, шудринг тарқагач ёки кечқурун пурканг, шунда бегона ўтлар қуруқ об-ҳаво шароитида фақат гербицид таъсири остида қолади. Куннинг ўртасида бу ишни бажарманг: ҳаво жуда иссиқ ва намлик даражаси паст бўлади. 

Гербициднинг талаб этиладиган меъёрини аниқлаш: илдиз массаси қанча кўп бўлса, қўлланиш меъёри шунчалик юқори бўлиши лозим. Илдиз массаси кичкина бўлган, яқинда униб чиққан ўсимликларни контактли гербицидларнинг кичкина меъёри билан ҳам йўқотиш мумкин. 

Пуркагичларни ишлатишдан аввал қуйидагиларни доим текширинг: керакли ишчи босими, форсункаларнинг тозалиги, сарф миқдори, тўлдириш вақти.

Гербицидларни қўллашнинг ҳар қандай турида пуркашнинг бошидан охирига қадар муайян меъёрга риоя қилиниши талаб этилади. Бунга ишчи суюқликнинг керакли миқдорини аниқ ва бир маромда таъминлаб берувчи, яхши созланган пуркагич ҳисобига эришиш мумкин. Бу энг мураккаб, вақт талаб қиладиган вазифалардан бўлиб, ҳар бир форсунка алоҳида текширилиши вамеъёрланиши лозим ва суюқликни ўртача миқдордан 10%дан кўпроқ сарфлаётган ҳар бир форсунка алмаштирилиши шарт. Қуритувчи тизимли гербицидларни катта томчилар шаклида қўлланг. Кичик миқдорда қўллаш гербицид сўрилишини яхшилайди ва пуркагичнинг самарадорлигини оширади, бироқ қўлловчидан катта маҳорат талаб қилади. Қоплама экинлар ёки бегона ўтларнинг катта миқдордаги биомассасини қуритиш талаб этилганда, пуркаш ишлари ва экиш ишлари орасида 3 ҳафтагача вақт ўтишига эътибор беринг, токи илдиз чиришидан ажралиб чиқувчи аллелопатик маҳсулотлар тарқалиб улгурсин. 

Petrochem Agro

Манба: @agrobloger