...

Адлия вазирлиги ахборот хизмати раҳбари Севара Ўринбоева каннабис ўсимлигини етиштириш ва фойдаланиш бўйича маълумот берди.

"Гиёҳвандлик воситалари ва психотроп моддалар тўғрисида”ги Қонунга киритилган ўзгартиришларга мувофиқ, каннабис ўсимлигини фақат саноат мақсадларида етиштиришга рухсат берилган;

Қишлоқ хўжалиги вазирлиги томонидан лицензиялаганлик учун тўланадиган давлат божига мувофиқ таркибида 0,2% гиёҳвандлик моддаси мавжуд каннабис ўсимлигини:

гиёҳвандлик моддалари ва психотроп моддаларни ишлаб чиқариш ҳамда тайёрлаш билан боғлиқ бўлмаган саноат мақсадларида (тола ва уруғ) етиштириш БҲМнинг 3000 баравари;

шунингдек, олиб кириш, қайта ишлаш, сақлаш, реализация қилиш (бериш), олиш ва ташиш учун БҲМнинг 200 баравари миқдорлари белгиланган.

каннабис ўсимлиги ва уни қайта ишлашдан олинадиган маҳсулотлар таркибида тетраканнабинол гиёҳвандлик моддасининг миқдори 0,2 фоиздан ошганда, ушбу ўсимлик, шунингдек уни қайта ишлашдан олинадиган маҳсулотлар белгиланган тартибда олиб қўйилиши ҳамда йўқ қилиниши ўрнатилган.

Мазкур Ҳукумат қарори билан каннабис ўсимлигини етиштириш ва фойдаланиш фаолиятини лицензиялаш тартибини ўз ичига олган низом тасдиқланди.

Ушбу Низомга кўра каннабис ўсимлигини етиштириш ва фойдаланиш фаолиятини лицензиялаш Ўзбекистон Республикаси Қишлоқ хўжалиги вазирлиги томонидан амалга оширилади.

Каннабис ўсимлигини етиштириш ва фойдаланиш билан боғлиқ бўлган фаолият билан шуғулланиш ҳуқуқини берувчи лицензия 5 йил муддатга берилади.

Лицензия олган юридик шахс каннабис ўсимлигини етиштириш ёки сақлаш объектлари (жойлари)ни ҳуқуқни муҳофаза қилувчи органлар билан биргаликда тегишли ҳимоя қилинишини (қўриқланишини) ташкил этиши лозим.

Шунингдек, каннабис ўсимлигини ташиш билан боғлиқ бўлган фаолиятда автотранспорт воситаларини тегишлича кузатувини таъминлаши лозим.

Каннабис ўсимлигини саноат мақсадларида етиштириш учун қишлоқ хўжалигида фойдаланишдан чиқарилган ерлар ажратиб берилади.

Низомга мувофиқ каннабис ўсимлигини етиштириш ва фойдаланиш фаолияти фақат юридик шахслар томонидан амалга оширилади", дейди Ўринбоева.

@AGROBLOGER канали

xs.uz