...

...

AGROBLOGER

Қашқадарё вилояти ҳудудларини, тупроқ-иқлим шароитларини ҳисобга олган ҳолда, экспортбоп қишлоқ хўжалиги маҳсулотлари етиштиришга ихтисослаштириш мақсад қилинган.

Президентнинг “Қашқадарё вилоятида фойдаланишдан чиқиб кетган ерларни 2021-2023 йилларда ўзлаштириш ва ҳудудларни экспортбоп маҳсулот етиштиришга ихтисослаштириш чора-тадбирлари тўғрисида”ги қарори лойиҳаси эълон қилинди.

Қишлоқ хўжалиги вазирлиги, Ветеринария ва чорвачиликни ривожлантириш давлат қўмитаси, Ўрмон хўжалиги давлат қўмитаси, Давлат геология ва минерал ресурслар қўмитаси, Пиллачилик ва қоракўлчиликни ривожлантириш қўмитаси, Фермер, деҳқон хўжаликлари ва томорқа ер эгалари кенгаши, Қашқадарё вилояти ҳокимлигининг таклифларини инобатга олиб, қуйидагилар:

  • Қашқадарё вилоятида фойдаланишдан чиқиб кетган ерларни 2021 - 2023 йилларда ўзлаштириш кўрсаткичлари ва талаб этиладиган маблағлар ҳисоб-китоби;
  • Қашқадарё вилоятида 2021 йилда қишлоқ хўжалигида фойдаланишга киритиладиган ер майдонларининг манзилли рўйхати;
  • Қашқадарё вилоятида 2021 йилда қишлоқ хўжалигида фойдаланишга киритиладиган ер майдонларига қишлоқ хўжалиги экинларини жойлаштириш кўрсаткичлари;
  • 2020 - 2023 йилларда ҳудудларни боғдорчилик ва узумчилик йўналишларига ихтисослаштириш кўрсаткичлари;
  • 2020 - 2023 йилларда ҳудудларни экспортбоп қишлоқ хўжалиги маҳсулотларини етиштиришга ихтисослаштириш кўрсаткичлари тасдиқланади.

Қашқадарё вилояти ҳокимлиги (Мирзаев), тегишли вазирлик ва идоралар билан биргаликда:

  • мавжуд ер майдонлари ва сув ресурсларидан самарали фойдаланиш, маҳсулот етиштириш, қайта ишлаш ва экспорт ҳажмини ошириш учун экинларини яхлит майдонларга плантация усулида жойлаштириш ва белгиланган экспортбоп экинларнинг экилишини таъминлайди;
  • ҳар бир туманда уруғлик ва кўчатлар билан таъминлаш имкониятидан келиб чиқиб, сабзавот, полиз ва картошка уруғчилигига ҳамда мевали ва ток кўчатлари етиштиришга ихтисослашган фермер хўжаликларини 2021 йилнинг 1 мартигача ташкил этади;
  • туманларда камида 5тадан сертификатланган уруғлик, кўчатлар ҳамда минерал ўғитлар ва моддий-ресурслар савдоси билан шуғулланадиган махсус ихтисослашган дўконларни 2021 йилнинг 1 февралигача ташкил этади;
  • яроқсиз деб топилган иқтисодий жиҳатдан самарасиз, кам ҳосилли боғ ва токзорлар ўрнида интенсив боғ ва токзорлар барпо қилади ҳамда экспортбоп ва сердаромад қишлоқ хўжалиги маҳсулотлари етиштиришни йўлга қўяди.

Қашқадарё вилоятининг барча туманларидаги сертификатланган сабзавот, полиз, дуккакли ва мойли экинлари уруғларни ҳамда мевали ва ток кўчатлар етиштирувчи фермер хўжалиги ва қишлоқ хўжалиги корхоналари уч йилдан ортиқ бўлмаган муддатда ер солиғидан озод қилинади.

Қишлоқ хўжалиги вазирлиги ҳузуридаги Боғдорчилик ва иссиқхона хўжаликларини ривожлантириш агентлиги Китоб, Шаҳрисабз, Яккабоғ, Қамаши, Чироқчи ва Деҳқонобод ҳокимликлари билан биргаликда туманлар аҳолиси ишсизлигини камайтириш учун яхлит 300-500 гектар туман ҳокимликлари захирасидаги фойдаланилмаётган майдонларда плантация усулида замонавий технологиялар асосида интенсив боғ ва токзорлар барпо этиб, лизинг асосан 7 йил муддатга аҳолига бериш ишларини ташкил этади.


@AGROBLOGER канали

kun.uz



Report Page