*/

ശംസുക്കാ നിങ്ങളുടെ കൈയ്യിൽ നിന്ന് മേടിച്ച അടിയുടെ വേദന ഇപ്പോഴും ഈ തരിമൂക്കിൽ അവശേഷിക്കുന്നുണ്ട്. ശേഷം അവിടെയിരുന്ന് നിങ്ങൾ വിതുമ്പിക്കൊണ്ട് പറഞ്ഞ വാക്കുകളിലെ വാൽസല്ല്യത്തിന്റെ ഓ൪മ്മകളും.

"എന്തിനാടാ എന്നെ ഇങ്ങനെ എടങ്ങേറാക്ക്ണത്, ദയവ് ചെയ്ത് എന്നെയൊന്ന് അനുസരിക്ക്"... എന്നു പറഞ്ഞ് കണ്ണു നനഞ്ഞ മൃദുല ഹൃദയനായ നേതാവ്. പിന്നെ, 'വാടാ വാടക ഗുണ്ടകളേ ചുണയുണ്ടെങ്കിൽ പോരിന് വാടാ' എന്ന് വിളിച്ചുതന്ന് മുമ്പിൽ നടന്ന ധീരനായ സഖാവ്.

സഹിക്കുകയായിരുന്നില്ലേ. എ൯.എസ്.എസ് കോളജ് പ്രിൻസിപ്പൽ പലപ്പോഴും പറയാറുണ്ടായിരുന്ന വാക്കുകൾ ഓർക്കുന്നു. 'നിങ്ങൾ ചന്തക്കുന്ന് ബോയ്സല്ലേ, ശംസു പുന്നക്കലിനെ വിളിച്ചാലെ നിങ്ങളൊക്കെ അനുസരിക്കൂ'.