...
- احتمال البيبي يكون مشوه ف القرار ليكم يا تنزلوه يا تخلوه
هنعيش ونشوف معاناة وظروف
والفرحة هترجع من تاني
و الدنيا هتبقى مصالحاني
حالنا بيتغير في ثواني
و في غمضة عين
في سباق ماشيين
وفراق وحنين
يونس بتصميم: البيبي لازم ينزل
_ و لو قولت لأ
يونس: هتخسريني للأبد
_ لو فضلت على قرارك أنت الوحيد اللي هتطلع خسران
يونس بغضب و زعيق: هخسر إيه أكتر من إني هيجيلي بيبي مشوه
بحزن _ حقيقي اتخدعت فيك يا يونس مكنتش اتوقع إنك كده أبدًا
يونس بحزن مشابه: يا يارا افهميني أنا خايف منعرفش نتعامل معاه، خايف عليه من اللي هيواجهه في دنيته الناس بقت مؤذية.
_ أيًا كان مينفعش يبقى تفكيرك منحدر كده أنت مش عندك ثقة في ربنا و لا إيه اللي عطالنا الرزق قادر يحافظلنا عليه و يغيّر منه لو صبرنا
يونس: و افرضي متغيرش
_ نرضى يا يونس نرضى علشان ربنا يكرمنا أهم حاجة الرضى
يونس: و لو خيرتك يا البيبي يا أنا
_ يونس أنا بحبك و ده مفيهوش جدال بس بحب رزق ربنا أكتر
يونس: ده أخر كلام عندك
_ أي واحدة عاقلة و مؤمنة بربنا مش هتقول غير كده....أنا ماشية حبيت تكمل قلبي مفتوحلك ....بحزن....و لو محبتش يبقى كل واحد يروح لحاله
فى طريق مقفول
أول مـــا نقول
يا رب بتفرج فى دقيقة
و تروح الأوجاع و الضيقة
لو سألوا مجرب دي حقيقة
مين عاش مهموم
يونس: لازم أسافر ضروري محتاجينلي في الشغل
_ و هتسيبني
يونس: هكلمك كل يوم و اطمن عليكِ
سكت لإني حسيت إن دي إشارة من ربنا بتوقفنا عن اللي كان ممكن يحصل و اهي تكون فرصة يقعد مع نفسه و يقرر يكمل أو لأ...
احساس جواك تلاقيه قواك
وتقوم على رجلك من تاني
و تقولها لنفسك ده زماني
ده أنا ياما إيمانى ده قواني
وبقيت في ذهول
كنت واقفة بختار لبس البيبي بعد ما الدكتورة قالتلي إنها بنت فرحانة ....لأ هموت من الفرحة، يونس وحشني اووي كان نفسي يبقى معايا ....
_ لو سمحتي أنا عاوزة ده
• و ده جميل اووي برضو
_ أكيد مش هو صح
يونس: ليه لأ
بدموع و فرحة: يونس
حضنته جامد اووي زي ما يكون ده أخر حضن، بس الأفكار كانت بتراودني في اللحظة دي هل هيفضل و لا هيمشي خايفة يمشي لإني بحبه ....
بخوف _ رجعت
يونس: ما أنا قدامك اهو
بخوف_ ق..قصدي يعني رجعت ل..للأبد و لا...
يونس بحب: يارا ليونس و يونس ليارا
ده الحب
يعمل
كل ده
يونس بخوف: أنا خايف... تفتكري هتبقى عاملة ازاي
_ احنا قولنا إيه
يونس: حاضر واللّه خلاص تاليا بنتنا هتبقى زي القمر مش كده
اكتفيت بإني اهز رأسي ب أه، اللي ميعرفهوش إن أنا خايفة أكتر منه بس راضية و ده اللي مطمني....
يونس بحب: اللّه أكبر يا يارا شوفي جميلة ازاي بصي بصي عينها هتبقى ملونة دي حلوة اووي يا يارا
بفرحة و حب: الحمدللّه يارب الحمدللّه شوفت يا يونس مش قولتلك خلي عندك ثقة في ربنا و مش هيخذلك
أيام و رهان
على مين كسبان
و الشاطر هو اللي يعافر
ميقولش تعبت و مش قادر
أصل اللي بيصبر للأخر
على طول بينول