...

Бугун ижтимоий тармоқларда Мирзо-Улуғбек тумани, “Оққўрғон” маҳалласида эр хотинини масхара қилгани, унга тан жароҳати етказганлиги ва фарзандининг ахлатини ейишга мажбур қилганлиги акс этган видео тарқалди.

Ҳолат юзасидан Тошкент шаҳар ИИББ тезкор хабар тақдим этди.

Маълум бўлишича, ушбу видео 1 октябрдан 2 октябрга ўтар кечаси суратга олинган. Шу кечанинг ўзида 102 га аёл эри 46 ёшли Рустам И. томонидан калтаклангани ва унга нисбатан зўравонлик қилинганлиги тўғрисида хабар келиб тушди. Aёлга етказилган жароҳатларнинг оғирлигини аниқлаш учун суд-тиббий экспертиза тайинланди.

Ушбу факт асосида Мирзо-Улуғбек тумани ИИО ФМБ ҳузуридаги тергов бўлими томонидан Ўзбекистон Республикаси Жиноят кодексининг 110-моддаси 1-қисми (“Қийнаш”) бўйича жиноят иши қўзғатилди.

Рустам И. ҳибсга олинган. Тергов давом этмоқда.

7 октябрь куни жабрланувчига ҳимоя ордери топширилди. Ҳозирда аёл ва унинг вояга етмаган болалари Аёлларни реабилитация қилиш ва мослаштириш марказига вақтинча жойлаштирилди, дейилади хабарда.