...
-بُص بقا عايزة بــعشرة جنيه نسكافية بــلاك، إحنا عندنا لبن!
بصلي بستغراب وهو بيحرك راســُه بأه، فكملت:
-وعايزة المج الي شبة برطمان الصــلصــة بليز
ضحكت وهو بيتحرك في إتجاه الباب بدون رد، فتكلمت أنا:
-وممكن تجيب لنفسك واحد لأني مش هشربَك معايا في نفس المج!
قعد على الكُرسي الي جنب باب الشَقة وبصلي و أبتسم:
-هو أنا قُلتلك إنهاردة أني بحبك؟
ضحكت بِـــخـجل وأنا بداري ضحكتِ بإيدي، ورفعت كفوف إيدي بِـإلعدد تلاتة:
-قُلتلي تلت مرات بس.
قام وقف وحاوطني بإيدُة:
-وتين انتِ أجمل سِت في العالم، من حظي الحِلو أن ربنا جَمعنــي بيكــي!
بصيت لُه وميلت على صدرُه:
-عبدالــرحمن أنت أحسن زوج فــي العالم و أحسن حبــيـب، أيدا هو أنت بتحاول تخليني أنسى الحاجات الي المفروض تنزل تشتريِها!
زقيته في إتجاه الباب وهو بيضحك، خرجتُه وسندت على الباب عُقبال ما يدخُل الاسانسير:
-اوعـــي تنــسا المج الي شــبه برطــمــان الصلصة الي هعمل في الآيس كوفي يا عبد الرحمن مش هدخلك الشقة!
قفلت باب الشقة وأنا ببتسم وبمشي في إتجاه اوضـــتنـا وبقــف قُدام المرايــا وببُص على ملامحي، عيوني الصُغيرين حتى لونهم البُني، النمش الي مُختلط بحبوب بسيطة على خدي، مناخيري الي شِبه أكله نُص وشي، شعــري الي الكِيرلي الي لونه شبة لون شعر حزلقوم، حتى جسمي مش لطيف!
هو إزاي شايفني حِلوة إزاي لغاية دلوقتي مستحمل كُل الخبطة الي فيا، طفولتي وشقاوتي، الكركبة إلــي جوايــا، همومــي وعياطي، صياحي على أتفه الأسباب، حُزني وزعلي على حاجات غريبة…
ازاي شايفني حلوة، ازاي خلاني طول الوقت دا اشوف نفسي بِعيونه هو! سِت حلوة، بس هل بقا أنا سِت حلوة، ولا هو بس الي شايفني حلوة، مش مُهم المهم اني حلوة بالنسبة لِيه…
خرجت وقفت في البلكُونة و أنا بتفرج على الناس، ياترى الناس دي كُلها كاملة؟، الناس دي كُلها مفيهاش عيوب؟، الراجل العجوز الي متبت على أيد مراتُــه وبيبُصلها بابتسامة دافية مليانة حُب وهي بتبتسم لُه بحب، حياتهم مكنش فيها عيوب مكنش فيها تعب؟
البنوتة الي ماشية وهي حطة كفها بين كف جوزها ومسكة في الأيد التانية كفوف بنتها وهو شايل في حُضنة أبنهم الصُغير هل هو كامل أو هي كاملة مشفوش مصاعب ضغوطات ألم وحُزن وتعب!
قعدت على الكُرسي وأنا بفتكر كلام عبـــدالرحمن عني، في كُل لحظة بيقولي أني حلوة بحس قد أي أنا كاملة، حلوة، مفيش فيا ولا عيب، معيَ أني ممكن يكون فيا كُل عيوب العالم!
-قمري بيفكر في أي وهو بيبتسم كدا؟
بصيت لُه وهو واقف عند باب البلكونة و بيضحكلي:
-ممكن أسألك سوأل؟
قرب مني وقعد على الكُرسي الي جنبي:
-اتفضلي يا سِت الحُـــسن و الجمــــال.
لفيـــت شعري ورا ودني وأنا ببُــص في عِيونة:
-هــو انت ازاي شايفني كاملة، يعني ازاي شايفني حلوة، أنا مليانة عيوب أنا كُــلي عِيوب!
حرك خُصلــة من شعري وحاوط وشي بِـــكفوفة:
-لأنك كاملة، كاملة بكُل ما فيكي من جمال قلب ورِقة، شايفك سِت الحُسن لأنك سِت الحُسن والجمال فعلًا ، لأني كُل ما بشوفك بشوفك بقلبي قــبل عِيوني، انتِ تستاهلي كُل الحلو الي يشبه جمالك وجمال قلبك، أنا أكتر راجل محظوظ في العالم لأني معايا سِت جميلة و رقيقة زيك…
قمت وقفت وميلت علِيه وحضنتُه:
-كُل حُب العالم يا عبدالــرحمن جوة قلبي ليك لوحدك .
لف وحاوطني بإيدُة، مَيلت علىٰ كتفُه وإبتسمت:
-عبدالرحمن بيدوب في وتين وفي قلب وتين والله.
ملامحي لأنت وزينت وشي إبتسامة حُب ورضا… صوت راديو خارج منُه اغنية هنهي بيها بداية الحكايه…
'قلي كام كلمة، يشبهوا النسمة في ليالي الصيف'📻🤎